حسن شاكوش عن أزمته مع زوجته: أنا من بولاق الدكرور واعرف بنات الناس وإزاي أحافظ عليهم
تحدث مطرب المهرجانات حسن شاكوش، عن أزمته الأخيرة مع زوجته ريم طارق، والتي وصلت إلى المحاكم، وذلك خلال إحيائه حفله أمس بأحد الشواطئ بالساحل الشمالي.
وقال حسن شاكوش خلال حفله في الساحل الشمالي:تعبتوا مني الفترة اللى فاتت على السوشيال ميديا ويتقال اتجوزت ولا طلقت ومحدش فاهم حاجة.. وكل اللى بيتقال إشاعات أنتوا عارفين أنا من بولاق الدكرور وأعرف يعني إيه بنات ناس وأعرف إزاي أحافظ على بنات الناس ولما تكون داخل بقلبك والنية خير بس هنقول إيه.
حفل حسن شاكوش في الساحل للسيدات فقط
وعلى جانب آخر، أحيا حسن شاكوش أولى حفلات عيد الأضحى في أحد الشواطئ الخاصة بالسيدات في مارينا بالساحل الشمالي، بحضور عدد كبير من جمهوره ومحبيه.
قدم شاكوش عددا كبيرا من أشهر أغانيه، أبرزهم بنت الجيران وأغنية حبيبتي وأغنية بسكوتاية وحنيلي وغيرها من الأغاني.
وفي وقت سابق، علق حسن شاكوش، على خلافه مع زوجته ريم طارق، والتي حررت محضرًا ضده مؤخرًا، وكتب منشورًا عبر حسابه الشخصي بموقع إنستجرام، قال فيه: الحمد الله والشكر ليك يارب على كل حال الحقيقة الفترة اللي فاتت شاركنا معاكم مشاكل كثيرة مكنش ينفع أننا نشاركها معاكم لأن محدش يعلم شيء طلاما محدش شاف حاجة، وأنا برضو هفضل عند قراري مش هتكلم في أي تفاصيل حتى مهما سمعت أي تجريح بس حقيقي كل شخص هيتسأل قدام ربنا عن كلامه.
