ميمي جمال: اتجوزت حسن مصطفى علشان أحس بالأبوة.. واشتغلت وأنا عندي 5 سنين علشان أساعد أهلي
حلت الفنانة ميمي جمال، ضيفة على الإعلامية منى الشاذلي في برنامجها معكم، المذاع عبر شاشة قناة CBC، وتحدثت خلال اللقاء عن تفاصيل حياتها الشخصية ومشوارها الفني.
ونرصد لكم أبرز تصريحات ميمي جمال في برنامج معكم منى الشاذلي:
- تكريمي في مهرجان الزمن الجميل، زي حد بيطبطب على كتفك عشان يقولك شكرًا على المشوار الطويل اللي تعبت فيه.
- قضيت مع حسن مصطفى 40 سنة كزوجين، وبعد رحيله عن الحياة لم أستطع العودة للعمل وانقطعت عن الفن 6 سنوات وعدت مرة أخرى للتمثيل، بعد زواج بناتي الاثنين وشعوري بالوحدة.
- ناس كتير كلموني على شغل ومنتج كان عاوزني في مسرحية كوميدى وقلتله جوايا مفيش ضحك وكل اللى جوايا حزن بس.
- بعمل الأدوار اللي تليق عليا وأنا راضية عن نفسي، والحمد لله كل الأدوار كان فيها توفيق من عند ربنا، وعملت اللي أقدر عليه.
- مريت بمراحل كتير صعبة من صغري فمثلًا وقت وفاة والدي كان عندي 5 سنوات، واشتغلت وأنا صغيرة في التمثيل عشان أساعد ماديًا لأن والدتي وجدتي يونانيات وستات بيوت بس، والحمد لله مرحلة وعدت واشتغلت فيها كويس.
- والدتي كانت رافضة عشان كان أكبر مني بـ 14 سنة، وكان أصلًا متجوز قبل كده وكان عنده بنت اسمها سمية.
- أصريت على الزواج من حسن مصطفى لأني ارتحت له جدًا، ولأن والدي توفى وأنا صغيرة ومحستش بالأبوة والحضن الدافي، وحسن كان بالنسبة ليا هو ده وكان بيسمعني لما اشتكيله وكنت مسنودة صح.
