فيفي عبده بعد تعرضها لانتقادات بسبب محمد رمضان: ثروته من أعماله والسوق عرض وطلب وهو مطلوب
تحدثت الفنانة فيفي عبده عن الانتقادات التي وجهت لها بسبب دفاعها عن الفنان محمد رمضان وشيرين عبد الوهاب، وذلك بعد تصريحاتها بأن ثروة محمد رمضان من أعماله.
وقالت فيفي عبده خلال حوارها مع ET بالعربي: هو فعلا جاب ثروته من ورا أعماله.. والسوق عرض وطلب، ويمكن السبب رضا أبوه وأمه عليه، وممكن يكون بيعمل حاجات احنا منعرفهاش.. وربنا بيرزقه، منقدرش نقوله رزقه ليه، وهو عنده أخطاء لا شك في كده.
وأضافت فيفي عبده: ومش لازم كل الناس تشتغل مع محمد رمضان، ولكن لو جالي دور يناسبني معاه أعمله.. وأنا شغاله عاملة 25 فيلم و30 مسلسل و13 مسرحية، يعني مفيش حاجه نقصاني أو حاجة نفسي أعملها.
فيفي عبده عن شيرين عبد الوهاب: من حق الناس تشوف حياتنا العادية ومش لازم نبروز الكلام
وعن دفاعها عن أسلوب شيرين عبد الوهاب في حفلاتها، علقت فيفي عبده: هو الفنان ده مش بني آدم.. يعني لو أنا دمي خفيف وبهزر مع الجمهور، وطلع منها أي لفظ وارد، واحنا في الآخر بشر وبني آدمين ومن حق الناس تشوف حياتنا العادية وكلامنا العادي مش لازم نبروز الكلام، وزمان كانت المغنية بتمسك المايك وتغني.. دلوقتي المغنية بتغني وترقص، الموضوع مختلف تماما دي مرحلة وراحت.
آخر أعمال فيفي عبده
يعد مسلسل شغل في العالي آخر أعمال فيفي عبده، وعرض العمل في السباق الرمضاني 2022، وهو من بطولة شيرين رضا، محمد رضوان، تامر حبيب، وعدد آخر من الفنانين، والمسلسل من تأليف حسين مصطفى محرم وإخراج مرقص عادل.
