سميرة محسن: عملت 15 عمرة وحجيت.. وبلف التراك 4 مرات قبل ما أروح الأكاديمية
تحدثت الفنانة سميرة محسن عن سر حفاظها على صحتها، وعن سبب عدم ارتدائها الحجاب، مشيرة: مش بسيب فرض ربنا.. والإيمان إيمان قلوب.
وقالت سميرة محسن خلال حوارها مع القاهرة 24: اللي بيحافظ على صحته بيحافظ عليها من بدري.. لما يعرف ايه ياكله صح وايه مياكلوش ويعني ايه رياضة، وكنت بروح الجيم بينه وبين بيتي 3 كيلو وبمشي رايح جاي.. وكنت بلف التراك أربع مرات وبعدين أروح المعهد.
وعن سبب عدم إراتدئها الحجاب: أنا عامله 15 عمره وحجه، وحجيت أختي وأمي ومش بسيب فرض، وإيماني مش بلبس الحجاب ومؤمنة أن الإيمان موجود في القلوب مش بلبس الحجاب وكمان الجو حر ألبس الحجاب ليه وربنا يسامحني.. كل ما الثقافة بتزيد كل ما الفرص عند الإنسان والوعي بتزيد.
سميرة محسن: التصوير 15 و16 ساعة في اليوم غير إنساني وفني
وعن سبب اعتزالها للفن، أضافت سميرة محسن: سبب اعتزالي هو مواعيد التصوير وإني أصور 15 و16 ساعة في اليوم.. ده غير إنساني وغير فني، ومفيش بني آدم يقدر يصور 15 ساعة متواصلة.. مش هيطلع فن هيطلع نوم.
آخر أعمال سميرة محسن
يعد آخر أعمال سميرة محسن مسلسل الضاهر الذي عرض عام 2019، والعمل من بطولة محمد فؤاد، رغدة، تامر عبد المنعم، وعدد آخر من الفنانين، والعمل من تأليف تامر عبد المنعم وإخراج ياسر زايد، وتدور أحداث العمل في إطار اجتماعي.
