طليقة المنتج محمد مختار: معرفش ليه رانيا يوسف بتقول مبيصرفش على ولاده
نفت رنا الهواري طليقة المنتج محمد مختار، تصريحات الفنانة رانيا يوسف بشأن عدم إنفاقه على أولاده أو عدم اهتمامه بهم، مؤكدة أن هذا الحديث عار تمام من الصحة وأن الأخير دائم السؤال عليهم.
وتحدثت رنا الهواري عن هذا الأمر، خلال لقائها مع القاهرة 24، على هامش حضورها العرض الخاص لفيلم مطرح مطروح، مشيرة إلى أنها لا تعرف سبب إدلاء رانيا يوسف بمثل هذه التصريحات.
وقالت: محمد مختار زيه زي أي أب، مبيعملش حاجة أقل من أي أب في الدنيا، بالعكس بيهتم بالتفاصيل جدا وبيهتم بأولاده جدا.
وتابعت طليقة محمد مختار: بيحب أولاده، وعلى تواصل دائم معاهم، مش عارفة ليه رانيا يوسف بتقول مبيصرفش على أولاده، ومعرفش إيه اللي حصل بالظبط بينهم، هي كانت كويسة جدا معايا مش فاهمة ليه بتقول كدة، ممكن تكون حاجة حصلت وصلتها لكدة.
وأضافت: كنت بروح أزورها دايما، وبناتها بييجو عندنا، مكنش في أي حاجة ما بينا، كانوا بيجولي لحد من فترة قريبة، لكن انقطعت العلاقة ما بينا من أسبوعين تلاتة.
واختتمت الهواري حديثها: أتمنى الموضوع يخلص وياريت نركز في الشغل أفضل، إحنا بنقدم رسالة، أي حاجة تانية المفروض نحلها في هدوء.
وكانت تصاعدت الأزمة بين رانيا يوسف، وطليقها المنتج محمد مختار بعد أن قالت إنه لا ينفق على بناته، وأنها هي من تعول الأسرة وتتحمل كافة مصاريف بناتها، وهو ما نفاه محمد مختار.
