عمر الشناوي بعد حديثه عن علاقته بابن زوجته من محمد كيلاني: هو اللي متكفل بجميع مصاريفه
أكد الفنان عمر الشناوي، أن علاقته بابن زوجته من الفنان محمد الكيلاني طيبة وأنه يعامله مثل ولده، مشيرًا في الوقت نفسه إلى أن كيلاني هو المتكفل بدفع مصاريف نجله بالكامل.
وقال عمر الشناوي لـ القاهرة 24: أعتبر حمزة مثل ابني، ولكن محمد كيلاني متكفلًا بجميع مصاريفه.
محمد الكيلاني يمازح عمر الشناوي
وكان محمد كيلاني مازح عمر الشناوي بعد حديثه، وقال في منشور عبر حسابه بموقع فيس بوك: عارف أنت لو تكمل جميلك وتدفع مصاريف مدرسة حمزة السنة دي هكون شاكر جدًا.
وأكد عمر الشناوي أنه فوجئ برود الفعل على مواقع التواصل الاجتماعي بعد حديثه عن علاقته الجيدة بابن زوجته، قائلًا: زعلت إن حاجة طبيعية وبديهية الناس تستغربها، وحاجة مؤسفة وفي ناس بعتوا لي كومنتات من نوعية شوفوا الرجالة بتعمل ايه بدال ما تمرمطوا البنات في المحاكم واستغريت من الحال اللي بقينا فيه، وأنا مش بدعي الفضيلة وفي ناس أحسن مني بكتير، والناس شايفة أنها حاجة كبيرة وهي حاجة عادية.
وأضاف عمر الشناوي: إحنا مسؤولين لما يكون فيه أطفال لما يكبروا يكونوا عاقلين وأسوياء ونربي ناس تطور وتبني مش تهدم، وده اللي استغربته لما قرأت الكومنتات، فليه واحد متجوز واحدة يقول لها مش هربي عيال غيري، يعني لو واحدة مطلقة ترمي ابنها في الشارع ولا تربيه تربية سوية وعنده حنية كاملة من أمه مش مجزأة.
وأشاد الكثير يحدث عمر الشناوي عن علاقته بابن زوجته، وذلك في تصريحات تلفزيونية، مؤكدًا أنه يعتبره مثل ابنه ويعتبر والده الفنان محمد كيلاني مثل أخيه.
ولفت الشناوي إلى أن ابن زوجته يعيش معه وزوجته طيلة الأسبوع باستثناء يومي الإجازة في نهاية الأسبوع يذهب لوالده، مضيفًا: حمزة ابن مراتي عمره 10 سنين، وعايشين مع بعض ست سنين وهو شخصيته ذكية خارق مش طبيعي مخه أكبر من سنه بكتير دايما بيطلعني غلطان لما نتناقش في سؤال علمي وهو ابني أخوات، ومحمد كيلاني ما بقاش صديقي لأن ولادنا أخوات علشان كده بعتبره أخويا ولو ماكنش في أطفال كان هيكون طليق مراتي.
