ألفت عمر: مفيش رجالة.. بعضهم قاعد في البيت بياخدوا فلوس من ستاتهم
علقت الفنانة ألفت عمر على فكرة عدم عمل المرأة، وحصرها في تأدية المهام المنزلية فقط، إذ رفضت تلك الفكرة تمامًا، وأكدت أن هناك سيدات تفوقن على الرجال في عملهن، حسب قولها، كما أشارت إلى أن بعض الرجال لا يعملون ويكتفون بأخذ المصاريف من زوجاتهم.
وردت الفنانة ألفت عمر على هذا الأمر، خلال تصريحات تلفزيونية لها قائلة: السيدات هن القائمات على العمل، وهما اللي سايقين الدنيا، مفيش رجالة، أنا ضد تمامًا إننا نضع المرأة في دايرة مغلقة، الست على فكرة مقعدة بعض الرجالة في بيتهم، وفي رجالة قاعدة بتاخد القبض الخاص بزوجاتها فقط، وإحنا مش هنهزر دول خايبين، والستات اللي بتصرف عليهم أخيب منهم.
ألفت عمر: مفيش رجالة دلوقتي
وتابعت ألفت عمر: أنا ضد الفرعون ومعجبنيش الكلام دا، وأي حاجة زيادة عن اللزوم أنا مبحبهاش، لأني مبلعبش على التريند، أنا بتكلم عن الواقع، فمطلعش أضحك على الجمهور علشان أكسب فلوس.
وأضافت ألفت عمر: لو كنت عملت كدا كنت هبقى أشهر واحدة، لكن مبحبش فكرة خداع المشاهد، ربنا هيحاسبني عليها، وهما لسة موعيوش للفكرة دي.
والجدير بالذكر أن الفنانة ألفت عمر، تحدثت من قبل عن قلة أعمالها الفنية، مشيرة إلى أن السبب وراء ذلك كان بعض الأزمات التي مرت بها خلال حياتها الشخصية، بجانب ظهور عدد من شائعات عنها بشأن اعتزالها الفن، وهو ما حرصت الفنانة على نفيه.
