رامي جمال ينتقد تصريحات عمرو مصطفى: عندك نوع من النرجسية وبتعيب في مهنتك
علق الفنان رامي جمال على التصريحات التي أطلقها الفنان عمرو مصطفى بخصوص زملائه، منتقدًا طريقة الأخير في توصيل الحديث.
وأوضح رامي جمال، في تصريحات تلفزيونية: في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟
رامي جمال ينتقد عمرو مصطفى بسبب تصريحاته الأخيرة
وأضاف: كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن.
وتابع: أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض.
وعن تصريح لعمرو مصطفى قال فيه أنا المبدع والمطرب أداة، رد رامي جمال: أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر.
أعمال رامي جمال
وتعد أغنية وسط الوشوش، آخر أعمال رامي جمال وهي تتر مسلسل بنون، والأغنية وسط الوشوش من ألحان رامي جمال، توزيع وميكس وماستر إلهامي دهيمة، ويتعاون فيها مع الشاعر الغنائي مصطفى ناصر.
أبطال مسلسل بنون
وشارك في مسلسل بنون، كل من هاني عادل وبسنت شوقي، ويشاركهما البطولة محمود حجازي، هيا فياض، ويارا عزمي، مع ضيفي الشرف أحمد جمال سعيد، ومحمد السعدني.
