عصام كاريكا لـ منتقدي أسعار حفله بالساحل الشمالي: للأغنياء فقط واللي معهوش فلوس ميروحش
رد الفنان عصام كاريكا على منتقدي أسعار حفله في الساحل الشمالي أمس الأحد بحضور عدد من الفنانين، مؤكدًا أنه مخصص للأغنياء فقط وأسعاره مرتفعة منذ نشأته.
وقال عصام كاريكا لـ القاهرة 24: الساحل من زمان دي أسعاره ومخصص للي معاه فلوس والأغنياء، وأنا عملت حفل هناك ولكني مش مسئول عن أسعاره، واللي معهوش فلوس ميروحش وممكن يصيف في أي حتة تانية.
ومن ناحية أخرى، حرص العديد من الفنانين على حضور حفل عصام كاريكا أمس بالساحل الشمالي، من بينهم الفنانة شمس الكويتية والفنانة إيناس النجار واللتان تفاعلتا مع أغاني كاريكا وسط الحاضرين.
عصام كاريكا: بسيب الفنانين يسرقوا ألحاني عشان يعيشوا
وعلى جانب آخر، سبق وكشف عصام كاريكا سبب ابتعاده عن الغناء، وقال في تصريح سابق لـ القاهرة 24: ابتعدت عن الغناء لأني مركز على التلحين، أما عن سرقة ألحانه، علق كاريكا: أنا مش بيفرق معايا اللي يسرق ألحاني وبسيب اللي يسرق يسرق لأن دا نقص في الإبداع وبسيبه عشان يعيش ومينفعش أرد على فنان زيي.
وأكد عصام كاريكا في تصريح سابق لـ القاهرة 24 أنه يتعرض للسرقة طوال 30 عاما وهناك العديد من الفنانين سرقوا ألحانه ولكنه لم يتخذ ضدهم أي إجراء قانوني طوال تلك السنين ولم يكشف عن هويتهم.
كما سبق وأثار عصام كاريكا جدلا واسعا على مواقع التواصل الاجتماعي بتصريحاته عن محمد رمضان، وقال في تصريح سابق لـ القاهرة 24: بعض الفنانين بيحبوا إثارة الجدل والشو وأنهم يلعبوا على مشاعر المواطن البسيط ويستفزوا الجمهور بممتلكاتهم والطيارات الخاصة والفلوس.
وأضاف كاريكا: محمد رمضان بيظهر في حفلات مصر في الساحل بدون ملابس رغم أنه مش بيعمل كدا في السعودية، تقريبا فاكر الساحل عادي يظهر كدا، لكن أنا مؤمن أن الفنان لازم يكون قريب وشبه الجمهور إنما أنه يبان أعلى منهم دا استفزاز.
