بيومي فؤاد: مش بشتغل عشان الفلوس.. والمنتجين بيطلبوا مني أرفع أجري
كشف الفنان بيومي فؤاد سر قبوله عددا كبيرا من الأعمال الفنية بنفس الوقت، مشيرًا إلى أنه لا يستطيع الرفض بسبب خجله، بجانب الحديث عن مطالبة المنتجين له بزيادة أجره.
وقال بيومي فؤاد خلال لقائه ببرنامج ET بالعربي: فيه ناس كتير بيفتكروا إني مش اجتماعي مع إني بتشرف بالتعرف على كل الناس، ولكني شخصية خجولة ودا بيأثر عليا، وممكن أشتغل مع فنان في أكثر من عمل ونكون صحاب بس مش معايا رقم موبايله لأني مش بطلبه بسبب الخجل، والناس بيستغربوا جدا لما يطلبوا مني رقم وأقول لهم مش معايا.
وأضاف بيومي فؤاد: التمثيل بكثرة بيكسر الخجل أمام الكاميرا والجمهور في المسرح ولكنه مش بيغير الشخصية، وأحيانا ممكن لما شخص يضغط عليا أشارك في عمل وأنا تعبان ومش فاضي لكن مبعرفش أرفض بسبب خجلي.
أما عن مطالبة المنتجين له بزيادة أجره، علق بيومي فؤاد، قائلا: فيه ناس بيفتكروا إني بشارك في أعمال كتير من أجل الفلوس ولكن دا مش حقيقي، لدرجة المنتجين نفسهم بيطلبوا مني أعلي أجري تقريبا لأني صعبت عليهم، وناس كتير بيستغربوا من أرقامي وأجري لحد دلوقتي، وبفكر أرفع أجري الفترة المقبلة.
آخر أعمال بيومي فؤاد
وعلى جانب آخر، يعيش بيومي فؤاد حالة من النشاط على المستوى الفني حيث شارك في العديد من الأعمال الفنية التي حققت نجاحا كبيرا، من بينها مسلسل يحمل اسم 1000 حمد لله على السلامة بطولة يسرا.
