أحمد طارق: كنت محظوظًا بتعاوني مع هند صبري ونيللي كريم.. والتمثيل مهنة صعبة جدًا
تحدث الفنان أحمد طارق عن صعوبة مهنة التمثيل، وكيفية تقبله لانتقادات الجمهور، وتعاونه مع الفنانة هند صبري في مسلسل البحث عن علا، والفنانة نيللي كريم في مسلسل ليه لأ 3.
وقال أحمد طارق في لقائه مع القاهرة 24: كنت دايمًا بقول لـ أصحابي المخرجين إن شغلنا كممثلين أصعب، لأني مطلوب مني أقول كل حاجة في 30 ثانية، ولكن أنت مطلوب منك تقول كل حاجة في ساعة ونص، فأنت شغلتك أسهل من شغلتي، وأول 5 ثواني قدام الكاميرا فيها رهبة، لكن بعد كده خلاص.
وأضاف: أنا محظوظ إني اشتغلت قدام هند صبري ونيللي كريم، لأن الاتنين عندهم عامل مشترك ظريف جدًا أنهم بيساعدوا قدر الإمكان، وبيحاولوا يدوا دفعة، ودي الاحترافية والناس دي مش ناجحة من فراغ، الناس دي ناجحة علشان بتنجح اللي حواليها، والعمل بينجح.
وأكمل أحمد طارق: وفكرة إنك تتقبل الانتقاد، وأغلبية الناس بتدخل تعمل مجهود كبير وبتخرج مستنية الناس تسقف لها، وبعدين ممكن حد يقول كلمة تضايق أو نسمع كلمة ضد الرأي اللي متوقعينه، وعلشان يكون في الأفق الواسع لتقبل النقد، أنا حطيت نفسي في حتة إني بحب اسمع النقد، لأن اللي بيمدح الناس اللي حوالينا، ولكن النقد بيسلط الضوء على نقط الضعف.
مسلسل ليه لأ 3
كما تحدث الفنان أحمد طارق عن ترشيحه في مسلسل ليه لأ 3، بطولة الفنان نيللي كريم، قائلًا: تفهمت مع المخرجة نادين خان من أول دقيقة، وحكت ليا المشكلة اللي هيتم مناقشتها في العمل وإزاي نواجه المجتمع، واكتشفت بعد كده إنه دور بطولة.
