اليوم.. حفل ختام المهرجان القومي للمسرح المصري في دورته الـ 16
يختتم اليوم الاثنين، المهرجان القومي للمسرح المصري فعاليات دورته الـ 16، وذلك بمسرح النافورة المكشوف بدار الأوبرا المصرية.
وتحدث الفنان محمد رياض رئيس المهرجان القومي للمسرح عن كواليس الدورة الـ 16 للمهرجان التي أقيمت مؤخرًا والتي حملت اسم الفنان عادل إمام، كاشفًا سبب عدم تكريم الفنانة عبلة كامل، إلى جانب حديثه عن سبب الإقبال الكبير من الجمهور على هذه الدورة.
وقال محمد رياض عن عدم تكريم عبلة كامل خلال استضافته في برنامج الستات تقديم مفيدة شيحة وسهير جودة: أنا عارف عبلة كامل كويس، مش بتحب الظهور بشكل عام واستحالة تظهر في برنامج أو تعمل إنترفيو لأن هي دي طبيعتها، واقترحنا اسمها في الدورات اللي فاتت ولكن هي ليها وجهة نظر وبحترم وجهة نظرها، وما فكرتش فيها في الدورة دي ولا كلمناها لأني عارف أنها مش هتوافق لأن هي مش بتحب الظهور.
وعن انتقاد البعض لقيمة الجائزة الأولى في المهرجان والتي تحمل رقم 10 آلاف جنيه فقط كقيمة الجائزة الأولى، رد محمد رياض: مش حقيقي، وأنا قلت مش هرد على حد ومش عاوز حد يشغلني لكن كل اللي اتكتب غير حقيقي، قيمة الجوائز عندنا مجمعة 550 ألف جنيه، ودي مسابقة استحدثناها جديدة اسمها مسابقة التأليف المسرحي للعمل الأول، أطلقنا عليها اسم الكاتب أبو العلا السلاموني، في الأول كانت من غير جوائز مالية اللي بيكسب بيطبع له المسرحية الخاصة به، ودي أكبر حاجة بالنسبة لحد جديد ويكون فيه وتوصية أنها تنتج وتظهر للنور.
