أحمد سلامة: كان ليا الشرف إني أشتغل في التليفزيون المصري في بداياته وأنا طفل
تحدث الفنان أحمد سلامة، وعضو نقابة المهن التمثيلية، عن مهرجان القاهرة للدراما في دورته الثانية، المقرر إقامته يوم 24 أغسطس الجاري، في مدينة العلمين.
وقال أحمد سلامة، خلال حواره مع القاهرة 24، على هامش المؤتمر الصحفي لمهرجان القاهرة للدراما: إن الدورة الثانية من مهرجان القاهرة للدراما تكون في مدينة العلمين، ده اقتراح هايل، اللي أنا شايفه في مدينة العلمين شيء رائع وخيال فعلا.
وأضاف أحمد سلامة: الفنانة إلهام شاهين عملت نداء للفنانين إنهم ييجوا يحضروا المهرجان هنا، وأنا بضم صوتي لصوتها، لازم نيجي مدينة العلمين ونشوف مصر الجديدة عاملة إزاي، وطبعا الدكتور يحيى الفخراني رئيس الدورة الثانية بيضيف ثقل كبير للمهرجان، ولجنة التحكيم سواء السنة اللي فاتت أو السنادي كلهم قامات وليهم تاريخ كبير.
واستكمل أحمد سلامة حديثه: شيء مشرف الحقيقة وكمان في هذه الدورة الأعمال اللي هتدخل المسابقة مش مقتصرة على شهر رمضان بس، بل كل أعمال السنة، وأنا كان ليا الشرف إني أشتغل في التليفزيون المصري في بداياته من وأنا طفل، من أول مسلسل عادات وتقاليد لغاية وقتنا هذا، فالحقيقة إحنا مجهزين كمان مفاجآت هايلة للدورة التانية من مهرجان الدراما، وهيكون في استعراض للدراما المصرية على مدار 60 عاما، تأكيدا على ريادة الفن المصري ودوره في الوطن العربي.
أحمد سلامة: بتعاكس كتير من أول ما بفتح باب بيتي لحد ما بروح
وعلى جانب آخر، حل أحمد سلامة مؤخرًا، ضيفًا على برنامج الستات، الذي تقدمه كل من الإعلاميتين مفيدة شيحة، وسهير جودة، وكشف خلال الحلقة، أنه يتعرض للمعاكسات بشكل كبير، وقال: أنا بتعاكس دلوقتي أكتر من زمان، من وقت ما بفتح باب بيتي لحد ما أرجع بيتي.
