منشور كشف المستور | صاحب تريند فساد المطاعم: بيعرضوا حياة الناس للخطر.. واتفاجئت ببلاوي في المطابخ
انتشر خلال الساعات الماضية منشور لمستخدم يدعى حسام أوشا، يدعو فيه العاملين بالمطاعم إلى كشف أي فساد داخل مطابخها، وتضمنت روايتهم شهادات صادمة تتضمن وجود فئران داخلهم، مع دهس العاملين للأطعمة بالأرجل في الأطعمة.
منشور كشف فساد المطاعم
وتفاجأ حسام ممدوح، الشهر بـ حسام أوشا، بالتعليقات الكثيرة التي تكشف فساد المطاعم، وقال في المنشور: بعيدا عن محتوى الصفحة، البوست ده مهم جدا جدا ومرعب؛ الناس اللي اشتغلت في مكان يا ريت تنورنا بالبلاوي اللي شافتها فيه، واحنا هنحاول ننزل سكرينات هنا في الكومنت موجودة في البوست ده بتوضح إحنا إزاي بنتغفل.
وأوضح حسام لـ القاهرة 24: البوست مكنتش مخططله، ده مجرد سؤال جه في بالي ونشرته، وبصراحة مكنتش متوقع رد الفعل الكبير.
وتابع تصريحاته: العاملون أظهروا فسادا كبيرا بالعديد من المطاعم، التي تحتاج إلى رقابة شديدة، مضيفًا: تفاجأت ببلاوي في مطابخ المطاعم، والناس كانت بتبعتلي وأنا بنزل مشكلتهم في كومنت.
الفساد طال شركات وجمعيات
وأكد حسام أنه حتى الآن لم يتواصل معه أي من المطاعم، منوهًا: محدش لسه تواصل معايا بس أتمنى الناس تهتم وتعمل حاجة، في الآخر دي أرواح ناس، والناس دي اللي عملت التريند، أنا مجرد طرحت سؤال بس.
واستكمل: أدعو مسؤولي المطاعم، للإعلان عن جودة الإنتاج ونظافته لاطمئنان العميل.
وأوضح: عملت جروب لأن الكومنتات كانت كتيرة جدا على البوست، فقررت أعمل جروب والكل يعرض مشكلته براحته ويحذر الناس، وده جمع أماكن تانية غير المطاعم.. شركات ومصانع وجمعيات.
واختتم حسام حديثه قائلًا: عاوز أوصل رسالة لأصحاب الشركات والمحلات والمصانع.. اتقوا الله في شغلكم ومنتجاتكم، بتعرضوا حياة أطفال للخطر.. راعوا ضميركم في العمال ادوهم مرتبات تشغلهم بضمير.
