هتسمع كلامي ولا أفضح أولادك.. ابنة البلوجر هبة السيد: أمي هددت أبويا إنها هتشهر بسمعتي وتفضحني
كشفت التحقيقات في قضية البلوجر هبة سيد صاحبة قناة أم زياد وهبة بمواقع التواصل الاجتماعي، أقوال ابنة المتهمة هبه السيد والتي تدعي حبيبة ح. ع، البالغة من العمر 15 عاما، أمام جهات التحقيق، حقد والدتها عليها قائلة: ماما قعدتني من المدرسة عشان تطلع النقص اللي عندها فيا، عشان في سني كانت خدامة.
التحقيقات في قضية البلوجر هبة السيد
وينشر القاهرة 24 أقوال ابنة البلوجر هبة السيد بالتحقيقات في القضية التي حملت رقم 7944 لسنة 2023 مركز الخصوص، والمتهمة فيها البلوجر هبة سيد صاحبة قناة أم زياد وهبة، وابنها وزوجها.
وجاءت أقوال ابنة البلوجر هبة السيد بالتحقيقات في القضية كالآتي:
قالت ابنة البلوجر هبة السيد: بعد ما ماما اتطلقت من والدي واتجوزت واحد غيره حصلت مشاكل كتير، ونزلت فيديو تشتم في والدي وساعتها بقى أبويا مسكتش وراح منزل الفيديو ده ورادد عليها وفضح اسم جوزها الجديد وقال انها اتجوزت عيل ملوش لازمه بتاع مطابخ واسمه حسن والي ظهر على القناه لما عملنا له فيديو ساعة ما كان بيركب المطبخ الجديد في الشقة الجديدة الي في الأمير، وطبعا الفيديو لما بابا نزل الفيديو بتاع التشهير بحسن، ماما راحت مسحاه من على الصفحة بتاعت أم هبة وزياد الي كان فيها 100 ألف متابع، عشان محدش يفتكره ومكنتش عارفه تعمل إيه.
وأضافت ابنة البلوجر هبة السيد: بعديها ماما كلمت والدي مكلمة جامدة واتخانقوا وبابا حكاها لي أنا وأخويا لما كنا عنده، وحكا لنا إنها قالت له شيل الفيديو اللي هو نزله، وقالت له امسحه ومتجبش سيرتي في حاجه تاني، فرد عليها وقالها أنتِ اللي بدأتي، ولو عايزاني امسح الفيديو بتاعي، امسحي الفيديو اللي اتكلمتي عليا فيه الأول، قالت له أنت مالك وأنا مش همسح حاجة، وقعدوا يعندوا مع بعض لحد ما وصل بينهم الموضوع لخناقة وشتايم، وهددته إنها تنزل فيديو تقول فيه أن محمد اخويا اتحرش بأمي وبياـ وأن هي قالت له على الموضوع ده قبل كده وهو معملش حاجة، وساعتها رد عليها وقالها أعملي اللي أنت عايزاه أنا مش بخاف، أنت اللي هبلة وهتفضحي عيالك.
وتابعت ابنة البلوجر هبة السيد: ساعتها قفلت معاه وبعد كده إحنا نمنا وصحينا تاني يوم لاقينا الفيديو اللي قلب الدنيا ده ودي الحكاية ورا الفيديو اللي ماما نزلته، كنا فاكرين إنها بتهدد وخلاص، بس لما لاقينا الفيديو اتخضينا، ولما بابا شاف الفيديو قعد يقول حسبي الله ونعم الوكيل وسكت، واللي زعلني أوي يجد إني لاقيتها منزله صورتي بشعري مع محمد في صورة قديمة، عشان تزود مشاهدات، وطبعا بالطريقة دي لما المشاهدين تشوف الخناقات وصورتي من غير حجاب الموضوع يزيد، وخصوصا أن حسن هو اللب عامل التصميم بتاع الفيديو لأنه شاطر في موضوع التصميمات بتاعت الـ covers بتاعت الفيديوهات، ده غير أن حسن بيصور من تليفون ماما كتير وبيساعدها في الفيديوهات لما أنا ومحمد مش بنبقى مش موجودين معاها وهو ده كل اللي حصل.
