منال سلامة: مبقبلش أي دور.. ومعنديش مشكلة اقعد في بيتنا بالأربع سنين
كشفت الفنانة منال سلامة عن معايير اختيارها للأدوار، إلى جانب حديثها عن مهرجان القاهرة للدراما بدورته الثانية، والذي أُقيم أمس في مدينة العلمين الجديدة.
وقالت منال سلامة، خلال لقائها مع القاهرة 24، على هامش حضورها فعاليات مهرجان القاهرة للدراما: دورة استثنائية بالاحتفال بـ 60 سنة دراما، والاحتفال في مدينة العلمين فكرة رائعة، وأتمنى لـ مهرجان القاهرة للدراما الاستمرارية والدوام بقوة.
وتابعت: التكريم بيفرح الفنان وبيسعده وبيكون بمثابة الوردة اللي بياخدها من الجمهور عن مشواره وأعماله، أنا بتمنى أن مهرجان القاهرة للدراما يجوب كل مصر، ودعم السياحة لكل مكان في مصر، والمهم أن المهرجان يحقق نتائجه المثمرة والجوائز تروح لـ مستحقيها.
أما عن معايير اختيارها للأدوار، فعلقت منال سلامة قائلة: لو حاجة بتناسبني وأحس بأهمية الدور وأهمية العمل هعمله، ولكن لو محستش بقعد في بيتنا بالـ 3 و4 سنين ومبتفرقش معايا، هنعمل إيه ده المتاح.
وتابعت: اللي يخلينا نتغلب على ده لما تعود الرؤية الأولى للمؤلف ويكتب براحته ويخلص الـ 30 حلقة، وبعدها نشوف مين اللي مناسب للأدوار، ومين اللي مناسب للعمل كمخرج، نرجع لأصل الحكاية من أولها الدنيا هتتظبط.
مهرجان القاهرة للدراما
وحرص عدد كبير من الفنانين على التواجد في النسخة الثانية من مهرجان القاهرة للدراما ومنهم، محمد سامي، محمد رمضان، هالة صدقي، سوسن بدر، لبلبة، لطفي لبيب، أسامة الهادي، سهر الصايغ، غادة إبراهيم، المخرج وائل فرج، أميرة أديب، سوسن بدر، آدم الشرقاوي، هبة مجدي، دنيا عبد العزيز، محمد شاهين.
