فيفي عبده: نمت كتير بالمكياج عشان أخرج بيه تاني يوم
بصراحتها الدائمة وجرأتها، قالت فيفي عبده إنها أحيانًا لا تزيل مساحيق التجميل من على وجهها عند النوم، ولجأت أكثر من مرة للنوم بهذه المساحيق، حتى تخرج بها في اليوم التالي.
وردت فيفي عبده على سؤال تلقته، خلال لقاء لها مع إحدى القنوات التليفزيونية، جاء فيه: نمتي قبل كدة بالمكياج عشان تخرجي بيه تاني يوم؟، لترد الفنانة بكل صراحة: حصلت كتير إني نمت بالمكياج عشان أخرج بيه تاني يوم.. عادي جدًا.
تصريحات جريئة لـ فيفي عبده
ويأتي ذلك أثناء مشاركة فيفي عبده، في الدورة الـ الثانية لمهرجان القاهرة للدراما، التي أقيمت الأسبوع الماضي بمدينة العلمين، وخلال وجودها في المهرجان قالت فيفي عبده، في تصريحاتها لـ القاهرة 24، إنها سعيدة بتكريم إدارة المهرجان للفنانين القدماء، معلقة: شيء بيسعدني جدًا إن الممثلين القدام بيتكرموا، نفسي تكرموا الناس قبل ما تفلسع، ربنا يطول في عمرهم كلهم، رحت مهرجان كان وكنت مدعوة فيه وكان شيء يبسط جدا، أنا فرحانة بالعلمين يا جماعة وكنت بسمع بيها من وأنا في العمليات، وبقول لهم مبروك ومبسوطة لـ أشرف زكي والفخراني وكل القائمين على المهرجان.
واستكملت فيفي عبده تصريحاتها، قائلة: أنا واحدة في الساحل من زمان جدًا، أيام ما كانت بتجري فيه العرس والفئران، وكان سعره بالنسبة لنا عادي وكان عادي بالنسبة لأي حد بيتعب بيشتغل، ودلوقتي أصبح جنة على الأرض.
