مواطن أقصري لوزير التموين: زجاجة زيت وكيس سكر في الشهر ميكفيناش.. إحنا صعايدة
استمع الدكتور علي المصيلحي وزير التموين والتجارة الداخلية اليوم الأحد، لأهالي الأقصر الذين استقبلوه خلال وضع حجر أساس ثاني مخزن استراتيجي على مستوى الجمهورية، بالمحافظة.
مواطن بالأقصر يشكو لوزير التموين قلة المخصصات التموينية
وقال أحد مواطني الأقصر للوزير: زجاجة زيت وكيس سكر للفرد مش كفاية.. إحنا صعايدة وده ميكفيناش.
وأضاف: أنا بقول لحضرتك الكلام ده في وجود المحافظ، وجاي بزجاجة المية في جيبي عشان عندي سكر وضغط، ومضطرين نوقف طوابير لأن تاجر التموين عندنا في الأرياف مش هيدينا على كيفنا.
وتابع: فرحنا بوجودك يا معالي الوزير، والحاجة متوفرة بس في الهايبر هنا، لكن بره مفيش، والحاجات بتيجي شوايل وتطلع برا برا في أكياس مبنشوفهاش، ودلوقتي كل حاجة موجودة عشان الوزير موجود ومش بيرضوا يدخلوا حد.
الدعم عادل
وطمأن الوزير المواطنين، بأن كل السلع والمنتجات متوفرة ولا يوجد عجز، مشيرا إلى أن زجاجة الزيت بـ 35 وكيس السكر بـ 12.50 عادلة، ومينفعش يضحك علينا في دعم أكتر من كده.
ويقام المخزن على مساحة 10 أفدنة وباستثمارات 1.5 مليار جنيه، والذي من المقرر أن يخدم محافظة الأقصر و4 محافظات مجاورة، في تأمين احتياطي استراتيجي لأكثر من 30 سلعة أساسية وتموينية.
وافتتح الوزير اليوم، أكبر منافذ بيع لشركة المصرية بوسط مدينة الأقصر.
وتفقد الوزير المنفذ بطابقيه، وتأكد من توفر جميع السلع والمنتجات التموينية وإتاحتها للجمهور.
