بسمة وهبة تنصح أحمد سعد: علياء أصيلة واهتمت بشياكتك.. ولا تنسوا الفضل بينكم
وجهت الإعلامية بسمة وهبة، رسالة للفنان أحمد سعد بعدما أعلنت علياء البسيوني طلاقهما بناء على رغبته الشخصية، قائلة: أنت معروف منذ زمن، ولكن لا تنكر أن نجوميتك زادت واختلفت بفضل الله عز وجل وزوجتك علياء حيث نظمت لك حياتك ماديا ونظمت حياتك الشخصية.
وقالت بسمة وهبة، خلال تقديم حلقة اليوم من برنامج 90 دقيقة، على قناة المحور: زوجتك اهتمت بشياكتك وأناقتك في الملبس، والناس كلها أصبحت تتحدث عن شياكتك وستايل لبسك لأن ذوقك بقى أعلى.
وأضافت: علياء بنت أصيلة وتدعمك دائما ووشها حلو عليك، وكل جمهورك عارف كده وأنت قلت ده معنا في الاستديو، فصلتك عن مشكلاتك، ولا تنسوا الفضل بينكم يا أحمد".
طلاق أحمد سعد وعلياء بسيوني
وفي وقت سابق، وأعلنت مصممة الأزياء علياء بسيوني، من خلال خاصية ستوري لحسابها على إنستجرام، نبأ انفصالها عن الفنان أحمد سعد، وكتبت قائلة: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابة أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة.
وأضافت علياء بسيوني: أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.. وعشان المشوار اللي أنا ابتديته ومكنتش حابة إنه ينتهي.. شكرًا على توقيتك الجميل وأنا قاعدة ببنتي 3 أيام وأنت مش عارف حاجة عشان مشغول في الساحل وخروجات وبعدها شغلك.. أكبر شكر على المقلب اللي أنا خدته في العلاقة دي.
