أميرة أديب تكشف نصيحة والدتها لها بعد عملها في الفن
كشفت الفنانة الشابة أميرة أديب نصيحة والدتها، الفنانة منال سلامة لها، بعد مشاركتها في أكثر من عمل فني، إذ أكدت أن والدتها دائمًا تنصحها بالتواضع، وعدم التكبر لدخولها الوسط الفني.
وقالت أميرة أديب في لقائها مع القاهرة 24، على هامش حضورها في العرض الخاص لفيلم أولاد حريم كريم، معللة: ماما عايزاني أفضل دايمًا متواضعة، دايمًا بتنصحني بعدم التكبر، لكن مش بنتكلم خالص في الشغل، ممكن أقولها على مسلسل بعد ما أشارك فيه، أو أخد رأيها مش زي ما الناس فاكرة.
وحرصت أميرة على التأكيد على عدم دخولها الوسط الفني، عن طريق الواسطة، بسبب أن والدها المخرج الكبير عادل أديب، ووالدتها منال سلامة، وعمها الإعلامي عمرو أديب، حيث قالت: أنا متفهمة إن الناس ممكن تكون شايفة أني اشتغلت بسبب الواسطة، حتى لو أنا داخلة بالواسطة مع إن ده مش حقيقي، لكن بحاول أثبت نفسي، عشان الناس تقول البنت دي تستحق.
وأردفت أميرة أديب: عملت حاجات كتير من غير ما الناس تعرف أهلي مين، وابتديت شغلي على السوشيال ميديا، ودي مفيهاش وسايط ولحد وقت قريب مكنوش، يعرفوا أنا بنت مين ومكنتش بقول أي حاجة، ولحد وقت قريب أوي بدأت أحط صوري مع عيلتي، بقيت عايزة أحط صورة مع أمي أو خالي، وحسيت إني لازم أشيل الموضوع ده من دماغي لأني هتعب.
