بشرى: أتمنى تقديم جزء ثان من وش إجرام والعيال هربت
كشفت الفنانة بشرى، رغبتها في تقديم أجزاء ثانية من أشهر أفلامها وش إجرام بطولة الفنان محمد هنيدي، والعيال هربت بطولة حمادة هلال، بعد مشاركتها كممثلة ومنتجة في فيلم أولاد حريم كريم، الجزء الثاني من فيلم حريم كريم.
وقالت بشرى خلال حوارها مع القاهرة 24: أتمنى تقديم جزء تاني من فيلم وش إجرام ومن العيال هربت، بس مفكرتش بصراحة في خطوة إنتاجهم جديًا، زي ما عملت مع حريم كريم، لأن أولاد حريم كريم حالة خاصة واستثنائية، وإحنا برضه عندنا أفكار جديدة ممكن تتعمل تبقى حلوة، مش لازم نفضل نعيد اللي فات.
بشرى: زوجي السابق كان أكبر داعم ليا
وعلى جانب آخر، كانت تحدثت بشرى عن طبيعة علاقتها بطليقها الثاني سالم هيكل، وقالت: مش عارفة ليه رابطين حوار الانفصال بالشغل والنجاح والانطلاقة الفنية، زوجي السابق كان واقف معايا وداعمني في حياتي العملية، كان أكبر داعم ليا، يمكن بعد الانفصال الوقت بقى عندي أكتر، الوقت بقى متقسم بين الشغل والأولاد، الزوج كان له أولوية وبنراعيه.
وتابعت بشرى، كاشفةً سبب عدم نشرها تفاصيل علاقتها مع زوجها السابق سالم هيكل: أخلاقي لا تسمح بكدة ومش شخصيتي، لا تربيتنا ولا الأصول بتقول كدة، وإحنا أصدقاء عمر بغض النظر عن الزواج.
فيلم أولاد حريم كريم
وحضرت بشرى مؤخرًا، العرض الخاص لفيلم أولاد حريم كريم، في القاهرة والإسكندرية، رفقة أبطال العمل، ويشارك في بطولة الفيلم كل من، الفنان مصطفى قمر، داليا البحيري، بسمة، علا غانم، وآخرين، والعمل من إخراج علي إدريس.
