حنان يوسف: دوري في مسلسل السفاح أثر على دماغي.. وكان نفسي أطلع رقاصة
تحدثت الفنانة حنان يوسف، عن شخصيتها في مسلسل السفاح بطولة الفنان أحمد فهمي، الذي يُعرض حاليا عبر منصة شاهد وحقق نجاح كبير منذ عرض أولى حلقاته.
وقالت حنان يوسف في تصريحات تلفزيونية: أحمد فهمي عامل دور السفاح حلو جدًا، وأنا اتخضيت منه أول ما شوفته في اللوكيشن وقولت مين ده؟.
وكشفت حنان يوسف، تأثرها بشدة بشخصية والدة السفاح التي جسدتها خلال أحداث العمل، قائلة: الشخصيات زي دي لازم تتقمص، ممكن أعمل شخصيات غير دي من غير ما أتقمص، لكن دي من الشخصيات اللي لازم أبقى أنا هي علشان هتضحك إزاي هتمشي إزاي تفاصيل كتير لازم أبلعها وأطلعها، ودا صعوبتها لأنها أثرت على دماغي جامد.
وتابعت: أنا طايرة من ردود الأفعال على شخصيتي في مسلسل السفاح، حاسة إني صغرت 20 سنة، وقبله كنت متكومة في البيت، وأخيرًا جه التقدير بعد 30 سنة تمثيل.
وأضافت حنان يوسف متحدثة عن سبب تأخرها فنيًا، قائلة: أنا ممثلة درجة تانية أو تالتة، ومش في مرحلة إني اختار نص، ومش أنا سبب تأخري فنيًا وكل المخرجين اللي اشتغلت معاهم كانوا كويسين وعرفوا يخرجوا مني حاجة.
أما عن المهنة التي تمنت أن تعمل بها إذا لم تكن ممثلة، فقالت حنان يوسف: أنا مكنتش عايزة أطلع ممثلة لأني بتكسف، كنت عايزة أطلع رقاصة وارقص في الأفراح، لأن كان في إسكندرية كازينو جليم بيعمل أفراح، وكنت عايزة أبقى عالمة.
مسلسل السفاح
ومن ناحية أخرى، يُعرض حاليًا مسلسل سفاح الجيزة، على منصة شاهد، ويشارك في بطولة العمل كل من: الفنان أحمد فهمي، داليا شوقي، ركين سعد، حنان يوسف، ريم حجاب، باسم سمرة، أحمد فهيم، وغيرهم، والعمل تأليف محمد صلاح العزب، وإخراج هادي الباجوري.
