لو عاوزين تموتونا جمعونا في ميدان.. أبرز تصريحات شيرين التليفزيونية عن شائعات وفاة الفنانين
حلت الفنانة شيرين ضيفة على الإعلامي عمرو الليثي، في برنامجه واحد من الناس، حيث تحدثت خلال اللقاء عن تفاصيل مشوارها الفني، وسبب اعتزال ابنتها ميريت للفن.
ونستعرض لكم أبرز تصريحات شيرين في برنامج واحد من الناس:-
- بتواصل مع عادل إمام وبسأل عليه، والحمد الله هو كويس وبيرد عليا.
- كفاية بلاش كل شوية تموتونا، لو متضايقين من وجودنا جمعونا كلنا في ميدان وموتونا واخلصوا.
- بنتي اعتزلت التمثيل وقالتلي مش عايزة أبقى زيك وزعلتني، وقالت للأسف الوسط الفني لما البني آدم يكبر بيعاملوه زي خيل الحكومة.
- بنتي قالتلي أنا عايزة أعيش حياتي وإنتي مش عايشة حياتك خالص.
- عادل إمام اختارني في فيلم الإرهابي، وبعد الفيلم عمل حفلة تحت بيته لكل المشاركين في الفيلم، وإحنا ماشيين قال لي مع السلامة يا عديلة، ده اسمك في الفيلم الجديد.
- عين عادل إمام بتشوف جواك وممكن يطلع منك إيه.
- أنا بمثل إني ضعيفة علشان أمشي حياتي، ولكن أنا عمري ما كنت مستضعفة.
- جريت ورا مخرج في المهندسين علشان شتم أبويا المتوفى.
- أنا ست الستات وعمري ما فكرت في التجميل.. مقدرش أشيل الزمن من على وشي
آخر أعمال شيرين
وشاركت شيرين في الموسم الرمضاني بـ3 أعمال وهي تغيير جو مع الفنانة منة شلبي وميرفت أمين وإياد نصار إذ جسدت دور والدتها، وفي مسلسل سوق الكانتو مع أمير كرارة ومي عز الدين، وفي مسلسل إكس لانس مع الفنان محمد سعد وجسدت فيه دور زوجته خلال أحداث العمل.
