زينب غريب: أعشق البساطة ولن أخضع لموضة عمليات التجميل.. وأتمنى تقديم دور صعيدي
تحدثت الفنانة زينب غريب عن عمليات التجميل، مؤكدة أنها ليست ضدها ولكنها اخيتار شخصي، بجانب حديثها عن إطلالتها البسيطة التي تعتمدها في أغلب المناسبات الفنية.
وقالت زينب غريب في لقائها مع القاهرة 24: أنا بحب الفاشون والبساطة جدًا، والبساطة شيء صعب واللي قالتلي كده الأستاذة ناهد نصر الله، بالنسبة ليا بعتز دايمًا إني ألاقي رابط صغير بين شخصيتي وإني متكلفش ولكن لكل وقت أذانه.
أما عن رأيها في عمليات التجميل التي تخضع لها الفنانات، فعلقت زينب غريب: عمليات التجميل هي اختيار شخصي وجميلة لكل شخص، وكل شخص يعمل اللي يريحه طالما هيشوف فيها إنه جميل ومرتاح، وفيه ناس بتحب تبقى بسيطة وفيه ناس بتحب تجمل نفسها بالطريقة اللي شايفة أنها هتبقى جميلة بيها.
وأضافت: أنا مش معترضة على عمليات التجميل بالعكس، ولو جت في يوم من الأيام لقيت نفسي محتاجة أحس بشعور معين أنا مش هتردد، وأظن إننا محتاجين نشوف ليه الناس بتخضع لعمليات التجميل ونسمع أكتر، خاصة إن كلنا بنسعى للجمال وفي سلوكنا.
كما كشفت زينب غريب، عن الشخصية التي تتمنى تقديمها في مشوارها الفني، قائلة: نفسي أقدم صعيدي وفلاحي أوي، وأنا بعشق الحاجات اللي بتمثلنا أوي، ونفسي أقدم حاجة ليها علاقة بالفاشون.
زينب غريب
ويعتبر مسلسل 100 وش، هو أبرز أعمال الفنانة زينب غريب، وتعاونت من خلاله مع الفنانة نيللي كريم والفنان آسر ياسين، وعُرض العمل في الموسم الرمضاني 2023، وحقق نجاحا كبيرا.
