حورية فرغلي ردًا على ارتباطها بـ حسن شاكوش: مرتبط ببنت اسمها سارة وسافروا مع بعض
علقت الفنانة حورية فرغلي على أزمتها مع مؤدي المهرجانات الشعبية حسن شاكوش، بعد أن قالت طليقة الأخير إن شاكوش على علاقة بفتاة ثالث حرف من اسمها راء، وربط الجمهور بين حورية وعلاقتها بشاكوش، وهو ما نفته الفنانة وأكدت أنها ليس لها علاقة بشاكوش، ولم تقابله ولا مرة من قبل.
وردت حورية فرغلي عن ربط الجمهور، بين اسمها واسم حسن شاكوش بعد تصريحات ريم طارق، إذ قالت، خلال تصريحات تليفزيونية: فيه مليون اسم اشمعنى حورية مسكتوا فيه، وأنا عمري مشوفت شاكوش، بس بحب أغانيه، وزعلانة إنه طلق ريم، لو مكانش فيه حب جامد بينهم مكنش هيكون في خناقاتهم، هي بتحبه أوي وغيروة عليه، بس هو مش عايز يبان قدام الناس إنه بتاع ستات.
وأردفت حورية فرغلي: ريم المفروض كانت تتعلم إزاي تخلي حسن ميبصش لحد غيرها، اللي اسمها سارة دي انتو سافرتو مع بعض وخرجتو مع بعض، فمحبتش اسمي يجي في حاجة زي دي، أنا زعلت إن الموضوع داخل في حتة الشرف، فلما تقولي اسمي هخرب لكم الدنيا.
حورية فرغلي: ارتبط بشخص نصاب وسرق بنك وهرب
وكشفت حورية فرغلي أنها ارتبطت بـ شخصًا، لكنها فوجئت بأن هذا الشخص نصاب، وسرق بنكًا، وسافر خارج البلاد، وهو الأمر الذي تسبب لها في المرور بأزمة نفسية، بعد خداعها في هذا الشخص.
وأردفت: كان فيه واحد مرتبط بيا، وطلع حرامي وسرق بنوك مصر وسافر، بصيت ملقتوش كان فيه بينا مجرد تعارف، وأنا بستحمل أي حاجة إلا الخيانة، كل الرجالة بيحبوا البنات اللي أجسامهم حلوة، الجمال عينيك هتاخد عليه وخلاص، لكن اللي بيفضل الروح والشخصية دا الأهم.
وفي سياق آخر، تحدثت حورية فرغلي، عن حبها الشديد للتسوق، وشراء الملابس الكثيرة؛ حيث أشارت إلى أن لديها غرفة كاملة لملابسها، وأثناء عودتها لمصر من إحدى زيارتها لـ دبي، وقفها أحد رجال الأمن بالمطار، الذي فوجئ بـ شرائها 302 بنطلونًا، حيث قالت: رجعت من دبي بشنطة كتير، فرجل الأمن وقفني قالي أنتِ جايبة 302 بنطلون يا مدام، قُلت له والله مش بتاجر بيهم دول بتوعي.
وأضافت حورية: عندي أوضة خاصة للهدوم، وأكتر حاجة بتضايقني إن البني آدم يكون ريحته وحشة، وأول حاجة بتلفت نظري للشخص أسنانه، الله جميل يحب الجمال، أنا بشوف ياسمين صبري ست جميلة جدًا.
