بشرى: أؤمن بالحسد والطاقة السلبية.. وأنا ست إيماني قوي وراضية بقضاء الله
كشفت الفنانة بشرى، أنها تؤمن بالحسد والطاقة السلبية، مشيرة إلى أن الحسد قد يفرق بين شخصين، وأنها في الوقت نفسه ترضى بقضاء الله.
وقالت بشرى خلال ندوة تكريمها في القاهرة 24: بآمن بالطاقة السلبية وإحنا بنسميها حسد والأجانب بيقولوا طاقة سلبية، لإن الكون فيه طاقة السلبية بتنعكس ساعات لإن مش كل الناس عندها رضا بحالها.
وأضافت بشرى: أنا ست إيماني قوي ومؤمنة بربنا وبحس إني راضية بقضاء الله أيا كان عامل إزاي أو جاي ليا إزاي، ولكن فيه ناس معندهمش هذا الحال من الرضا وفيه ناس حرام ظروف الحياة قاسية عليها وناس مش متحققة ولا منجزة حرام أحملهم أكتر ما الدنيا ما حملاهم، فبالتالي البعض بيتمنى اللي في إيدك أو نفسه يحقق ربع اللي عندك.
وأردفت بشرى: أنا بتعاطف مع الناس حتى اللي بتحسد أو اللي بتتمنى اللي في إيدك مع إن مش المفروض ده ولكني بقدر ظرف الناس، والحسد موجود والطاقة السلبية وبتزيد مع شرور الناس ومنسوب الخير بيقل مع ارتفاع منسوب الشر في الدنيا.
أحدث أعمال الفنانة بشرى
ويعرض للفنانة بشرى حاليًا في دور العرض السينمائي فيلم أولاد حريم كريم الذي أنتجته وتشارك في بطولته مع مصطفى قمر وعلا غانم وبسمة وداليا البحيري وعمرو عبد الجليل وخالد سرحان، إلى جانب مجموعة من الفنانين الشباب ومنهم رنا رئيس وتيام مصطفى قمر، والعمل من إخراج علي إدريس وكتابة زينب عزيز.
