إلهام شاهين: خدت من والدي صفة سي السيد.. ومعنديش مشكلة أتجوز راجل على غير ديانتي
تحدثت الفنانة إلهام شاهين عن مدى حبها للكنائس والسيدة مريم العذراء، وعن فقدانها للأمومة وتأثير ذلك عليها، إلى جانب حديثها عن رأيها في زواج المسلمة من رجل على غير ديانتها.
أبرز تصريحات إلهام شاهين التليفزيونية
ـ راضيه جدًا إني ما خلفتش.. وأنا مش قد المسؤولية وكفاياني مسؤوليات وعاوزة أعيش حرة وأعيش لفني لإن الفن بياخد وقتنا كله.
ـ أحيانا بنشتغل 20 ساعة.. إمتى الواحدة تمارس أمومتها وتاخد بالها على أولادها.
ـ مش ندمانة إني أجهضت مرتين..الأمومة عطاء وتضحية.
ـ لو عقلي وافق ممكن أتجوز جواز مدني.. وبما إن مفيش في مصر جواز مدني ممكن أسافر بره مصر.
ـ ولو هما مش بيعترفوا بالأطفال من الجواز المدني أنا كده كده في سن مش هخلف فإيه اللي يضر.
ـ لو حبيت الحب اللي يخليني ما أقدرش أبعد عن هذا الرجل.. لكن لو أنا صغيرة ما كنتش هوافق.
ـ أوقات بتعمد القسوة وأوقات بكون بطبيعتي في الردود.
ـ أنا مش مغرورة ولكن أنا واثقة في نفسي جدًا.. خدت من والدي صفة سي السيد.
ـ في أي بلد في العالم بحب أشوف الكنائس الأثرية والقديمة.. وبحب العدرا بشكل خاص.
ـ مش عارفة ليه فيه ناس رابطة إن العدرا لازم للمسيحية.. هي عند المسلمين مهمة جدًا والسورة الوحيدة في القرآن اللي باسم امرأة هي مريم.
