إلهام شاهين: كنت مقررة أعتزل بعدما عملت 100 فيلم بس قُلت مش هقول للناس
كشفت الفنانة إلهام شاهين نيتها في قرار الاعتزال الذي اتخذته من قبل، حيث أشارت إلى أنها كانت تنوي الاعتزال بعد أن تشارك في 100 فيلم سينمائي، وقررت وقتها أنها لن تخبر أحدا بهذا القرار، ولكنها تراجعت عنه بعد ذلك.
وقالت إلهام شاهين خلال ندوة تكريمها بمهرجان الإسكندرية: عملت 101 فيلم، فيلم يوم للستات كان الفيلم رقم 100 بالنسبة لي، كنت وأنا صغيرة بقول نفسي اعمل 100 فيلم زي ما بيقولوا في أعياد الميلاد عقبال 100 سنة، وبعد الـ 100 فيلم قُلت طب أبطل بقى!؟، عملت كل الشخصيات والأنماط، عملت أفلام تقيلة وليها تقلها وملفتة للنظر، وقُلت المفروض أبطل من غير ما أقول اعتزلت ومش عايزة أكرر حاجة، لكن أنا مجنونة بالفن.
تصريحات إلهام شاهين
وأضافت إلهام شاهين: في التلفزيون عملت حوالي 50 سنة، وبعدين قولت كل ما الاقي دور معملتوش هعمله، وفي التلفزيون بيبقى فيه تطويل وملل في الغالب، ولقيت جديد في حكاية ألفريدو، والسنة اللي فاتت لقيت دور زعيمة داعش، وكاملة أبو ذكري قالتلي فيه دور محدش يعمله غيرك، فقولت إزاي هعمله ده أنا صاحبة أدوار مضادة لكل التيارات المتطرفة.
وأردفت إلهام شاهين: فاتهاجمت جدًاـ وبقيت مستغربة أني بمثلهم، وبقول هما بيعملوا إيه متضايقين ليه!؟، ولكن دول أصلًا أبعد ما يكون عن الدين والإسلام، فأنا سعيدة بتاريخي الطويل والكبير واشتغلت مع أساتذة في بدايتي.
