حورية فرغلي تبكي تضامنًا مع الشعب الفلسطيني: حرام الناس اللي بتموت.. ولازم جامعة الدول تحل الأزمة
أعربت الفنانة حورية فرغلي، عن حزنها الكبير لما يحدث في الشعب الفلسطيني، وذلك بعدما بدأ جيش الاحتلال الإسرائيلي قصفه لغزة.
حورية فرغلي تعلن دعمها للشعب الفلسطيني
ودخلت حورية فرغلي، في حالة بكاء خلال فيديو نشرته عبر حسابها الشخصي على موقع تبادل الصور والفيديوهات القصيرة إنستجرام، وقالت خلال الفيديو: أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين.
وأردفت حورية: الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة.
وأضافت حورية فرغلي: أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا.
واستكملت حورية فرغلي: بصراحة أنا حزينة جدًا جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي.
