غالية بنعلي تكشف سبب قلة أعمالها في التمثيل | فيديو
تحدثت الفنانة غالية بنعلي عن سبب قلة أعمالها في التمثيل، وعن النصيحة التي تقدمها لجمهورها.
وقالت غالية بنعلي خلال حوارها مع القاهرة 24: لو هقول للناس نصيحة هتكون، إننا نحاول نسمع نفسنا على قد ما نقدر.. ونحاول نسمع اللي يرضينا.
وأضافت غالية بنعلي: ربنا جايب كل واحد على الأرض عشان هينفع في حاجة معينة.. والرضا حلو، أرضى بالحاجة اللي أنت عايزاها.
https://www.youtube.com/live/xmNrAmoOBRs?si=ze9lqfMQtuSCVYNh
وعن قلة أعمالها في التمثيل، واصلت حديثها قائلة: مثلت في كذا فيلم، زي فيلم مع هند صبري سنة 1999 اسمه موسم الرجال، وبقيت بحب التمثيل لأنه استحضار لحاجات كتير وبيخليني أخد جانب من شخصية غالية شوية.. وبقعد اشتغل على شخصية بعيدة عني، وبخاف دايما من التمثيل لأني بخدم حد تاني أو شخصية تانية.
وعن كواليس تحضيرها لأغانيها، أكملت غالية: لما بلحن أغنية بيكون فيها حكاية وبناء وبشوف رسومات، وده من خلال دراستي للفن التشكيلي، وأغنية هنخيش صورتها في البيت ومغسلتش وشي وأنا بسجلها وليه أحط ميكب؟!
واختتمت غالية حديثها قائلة: اتعلمت من المصريين الحكي، دايما بيحبوا يحكوا حتى في الأفلام، ومش هيفضل مننا غير الحواديت.
