مصرية بفلسطين لـ القاهرة 24: الضرب بيزيد بالليل وباسبوري في إيدي عشان يعرفوني لو مت
قالت إيمان البيك، المصرية المتواجدة بفلسطين، والحاصلة على ذهبية العالم في رمي الرمح، إن الوضع بفلسطين يزداد سوءًا يومًا بعد الآخر، موضحة: احنا بنموت كل يوم، كل حاجة حوالينا بتتهد والقصف في تزايد.
مصرية في فلسطين
وأضافت البيك، في تصريح خاص للقاهرة 24، أن هذه ليس حربا ولكنها إبادة جماعية، جميع الناس يجبرون على تهجير بيوتهم، حتى إنذارات الضرب لم تعد مثل السابق، والقصف يتم مباشرة دون سابق إنذار على الأغلب، قائلة: مع كل ضربة البيت بيترج علينا حاسة البيت هيتهد.
وتابعت: مافيش نوم، مافيش مياه، وبالعافية اما بنلاقي كهرباء بالطاقة الشمسية، حتى الأكل يادوب بنلاقيه، موضحة: الموت في كل لحظة، بالنهار مبقوش يضربوا كتير عشان التصوير، بيضربوا طول الليل، كله بيبقى مرعوب واما بتيجي عربيات إسعاف بيضربوها، احنا بين ايدين ربنا والموت قدام عنينا الصواريخ بتنزل تهد البيوت.
واختتمت إيمان البيك، المصرية المتواجدة بفلسطين نتيجة رغبتها في إنهاء بعض الأوراق ولكن صادفتها بداية طوفان الأقصى ولم تتمكن من العودة لمصر: لابسة هدومي الـ 24 ساعة عشان لو موت ومعايا باسبوري عشان الناس تتعرف عليا.
وفي وقت سابق، قالت: أحنا شوفنا دمار شامل، بس بنقول لنفسنا أمر الله نافذ ولله جند في الأرض، أحنا لا بنصرخ ولا بنصوت قاعدين مستنين الضربة والموت، واختتمت حديثها بآية من الذكر الحكيم: «إن الله اشترى من المؤمنين أنفسهم وأموالهم بأن لهم الجنة يقاتلون في سبيل الله فيقتلون ويقتلون وعدا عليه حقا في التوراة والإنجيل والقرآن ومن أوفى بعهده من الله باستبشرو ببيعكم الذي بايعتم به وذلك هو الفوز العظيم».
