مواجهة بين محمد التاجي ونورين شحاتة بسبب زواج الشباب: بلاش عشان هيتحبسوا
حل الفنان محمد التاجي، ضيف على الإعلامية نورين شحاتة والفنان ممدوح الشناوي في برناجمهما البيه والهانم، الذي يعرض عبر شاشة القاهرة والناس.
وتحدث محمد التاجي خلال الحلقة عن العلاقة الزوجية ما بين الرجل والمرأة في الحياة بشكل عام، وعن كيفية حل المشاكل التي يتعرضون لها خلال حياتهم.
وتناقشت نورين شحاتة مع محمد التاجي عن الزواج وقالت له: ليه مش عايز الشباب يتجوزوا؟، ليرد التاجي عليها قائلة:عشان ميتحبسوش العيال تقعد في بيت أهلهم أفضل، لتقول له نورين: يعنى أنت مش عايز الستات تجوز وتقعد في البيت، فيرد قائلًا: إنتوا عايزين تجوزوا لأغراض تانية مش عشان إنشاء أسرة وعيلة، لأ لكن عشان تقلبي الراجل اللى هتجوزيه وبعدين توديه سجن طرة أو وادي النطرون.
كما تحدثت نورين شحاتة عن الضرب الذي تتعرض له الفتيات من أزواجهن، حيث سألت الفنان محمد التاجي قائلة: فيه رجالة تانية بتضرب ومبتصرفش أومال القضايا اللى في المحاكم دي بتعمل إيه؟، ليرد التاجي: أنتى بتقولى رجالة بتضرب طب إيه اللي يخلى الراجل يوصل المرحلة دى أكيد مش هيضربها من غير سبب وأكيد مفيش تبرير للضرب.
برنامج البيه والهانم
برنامج البيه والهانم، والتي تقدمه الإعلامية نورين شحاتة والإعلامي ممدوح الشناوي، يعد برنامجًا اجتماعيًا يناقش كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
