حسن شاكوش: أي حد في الدنيا يتمنى شغلانتي وأحسن ما أبيع مخدرات
أعلن مؤدي المهرجانات الشعبية حسن شاكوش عودته لطرح الأغاني من جديد بعد توقف لشهور تضامنًا مع أهالي غزة، بالإضافة إلى تعليقه على إمكانية الاعتزال والابتعاد عن الغناء.
وقال حسن شاكوش خلال بث مباشر عبر حسابه على انستجرام: كنا موقفين الفترة اللي فاتت بسبب أحداث غزة، وقولنا مينفعش نشتغل وأخواتنا بيموتوا وننزل أغاني ميصحش، بقالنا كتير جدًا مابنزلش، ولما عملت دعاية لأغنية صحاب ملاعين حصل حوار فلسطين، ولقينا الموضوع بيطول وبيتحول من سيئ لأسوأ، فقررنا تأجيلها، ولكن هنزلها كمان كام يوم وهتبقى أغنية زي وداع يا دنيا وداع وشمس المجرة.
وأضاف: الحزن في القلب وقلبنا معاهم والواحد عمل على قد ما يقدر وغصب عننا ملتزم بعقود وملتزم بشغل، وأنا مسجل عند ساسو كتير، وكنت محضر شغل لـ أخواتنا اللي بيحبونا.
حسن شاكوش يرد على فكرة الاعتزال
ورد حسن شاكوش على سؤال أحد المتابعين بشأن موعد اعتزاله، قائلًا: الهدى ديه حاجة بتاعت ربنا وأنا مبعملش حاجة غلط وأي شاب في الدنيا يتمنى شغلتي، وأحسن ما أبيع مخدرات، الله أعلم بظروف اللي بيبيع مخدرات أو وراه إيه من مسئوليات أو ديون إيه، العذر لكل أخواتي الشباب.
وأردف حسن شاكوش: لو أنت مكاني هتقول أنا عايز أغني وعايز الشهرة دي، أنا اجتهدت وتعبت ومتعرفش أنا تعبت ازاي عشان أوصل للي أنا فيه، وأنا موصلتش لحاجة أنا في الأول، لسه المشوار قدامي طويل وعملت نجاح محدش عمله ولا هيعمله، أي حد بيتريق على الغناء يتمنى يبقى مكاني.
واختتم حديثه قائلًا: مفيش مطرب كل الناس بتحبه، ولكن الحمد لله اللي بيحبوني أكتر من اللي بيكرهوني، واللي بيكرهوني لما بيقابلوني في الشارع بيتصوروا معايا، هو ممكن يكون بيشتم من الغل وغيران من نجاحي وإن ربنا كرمني وإني أحسن منه.
