نورين شحاتة عن زواج المصري من جنسية أجنبية: ليه بتتنازل عن عاداتك.. ولا أنت ماشي مع الهيصة؟
ناقشت الإعلامية نورين شحاتة، قضية زواج الرجل المصري من جنسية مختلفة، حيث استنكرت تخليه عن معتقداته في سبيل الزواج من أجنبية.
وقالت نورين شحاتة في برنامجها البيه والهانم، الذي تقدمه برفقة الإعلامي ممدوح الشناوي، عبر شاشة قناة القاهرة والناس: ليه يا جماعة الراجل دايمًا يقول أنا عايزها زيي وزي عاداتي وتقاليدي، ولكن لما بيجي يتجوز من برا بيتنازل عن كل العادات والتقاليد دي ويقول أصل هي مش متربية على كده، هو حضرتك واخد العادات والتقاليد مبدأ ليك؟ ولا أنت ماشي مع المجتمع في الهيصة؟.
نورين شحاتة: البنت اللي بتكمل 21 سنة مكبرتش ومينفعش تتجوز
وسبق وأن كشفت الإعلامية نورين شحاتة، عن رأيها في ظاهرة زواج القاصرات، قائلة: اللي عايزين نعرفه أنت لما تجوز بنتك عايزها تعمل إيه أصلا؟ عايزها تتجوز بس وتخلص منها؟ أكيد مبقاش فيه الفكر ده، ومفيش حد بيفكر في أولاده بالطريقة دي، أكيد أنت عايزها تصنع بيت، تكون زوجة واقفة مع زوجها وتكون فاهمة تسنده إزاي، وتربي ولادها إزاي في المجتمع، حتى لو كان القانون بيقول إن تمام تتجوز من بعد 18 سنة، الحقيقة إني من وجهة نظري الشخصية شايفة إنه مينفعش زواج البنت حتى بعد 18 ولا 19 ولا 20 سنة، والبنت بتخلص الجامعة في سن الـ 21، وده مش معناه إنها كبرت.
برنامج البيه والهانم
برنامج البيه والهانم، تقدمه الإعلامية نورين شحاتة والإعلامي ممدوح الشناوي، وهو برنامج اجتماعي يناقش كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
