ميدو ينفعل بسبب ستوري لاعب الإسماعيلي ضد التحكيم: النادي مش ناقص
علق أحمد حسام ميدو، نجم الكرة المصرية السابق، على ما نشره ياو أنور، لاعب الإسماعيلي ضد التحكيم عبر حسابه الرسمي على انستجرام.
تصريحات أحمد حسام ميدو
وقال ميدو في تصريحات تلفزيونية: ستوري حادة جدا وفيها كلام مينفعش يتقال، بيطالب رابطة الأندية بدفع رواتب الحكام، عشان الحكام بتاخد فلوس قبل المباريات هو بيقول كدة في الستوري، الإسماعيلي مش ناقص، الستوري دي تورط وهتعمل مشاكل.
وأضاف أحمد حسام ميدو: لازم الأندية تمنع اللاعيبة من استخدام السوشيال ميديا بشكل سيئ، أنا مش عايز أدخل ياو أنور في مشكلة، لكن في حد يعمل كدة؟
وفي سياق آخر، وجه أحمد حسام ميدو، تحية خاصة لمسؤولي بيراميدز على اختيارات النادي لصفقاته.
وقال ميدو في تصريحاته: أوجه التحية لمسؤولي بيراميدز، القصة مش قصة فلوس بس، القصة قصة عين واختيار لاعبين مميزين.
وأضاف أحمد حسام ميدو: أحمد الشيبي أفضل ظهير أيمن في مصر وفي كل مركز تجد لاعب هو الأفضل في مصر.
واختتم ميدو: شابوه لإدارة نادي بيراميدز شغالين صح، ومش بتكلم على الفوز بـ بطولة، لكن نادي حديث العهد، ينجح في التعاقد مع لاعيبة زي دي، لهم كل التحية، الفلوس رايحة في الحتة الصح.
وكان الفريق الأول لكرة القدم بنادي بيراميدز، تمكن من الفوز على منافسه الإسماعيلي بهدفين مقابل هدف، في مباراة عاد فيها الفريق السماوي بعدما تأخر في البداية.
