نورين شحاتة: الراجل بيقول كلام حلو قبل الجواز بس.. والثقة للست إنها تشوف نفسها حلوة في المراية
تحدثت الإعلامية نورين شحاتة عن حديث الزوج مع زوجته بعد الزواج واختلاف شخصيته، وعن وسواس الزوجة في الخيانة تجاه زوجها.
وقالت نورين شحاتة في برنامجها البيه والهانم، الذي تقدمه برفقة الإعلامي ممدوح الشناوي، عبر شاشة قناة القاهرة والناس: الكلام الحلو يا رجالة بتقولوا بس قبل الجواز مش بعده.
وعن اهتمام السيدة بمظهرها، أضافت نورين شحاتة: الثقة بالنفس تبدأ بالاهتمام، فيه ناس فاكرة عشان أكون واثقة في نفسي لازم طول الوقت اروح للكوافير وأعمل شعري، ولكن الحقيقة اللي هتديني ثقة في نفسي هي أني أشوف نفسي في المراية حلوة.
وسبق وكشفت الإعلامية نورين شحاتة، عن رأيها في ظاهرة زواج القاصرات، قائلة: اللي عايزين نعرفه أنت لما تجوز بنتك عايزها تعمل إيه أصلا؟ عايزها تتجوز بس وتخلص منها؟ أكيد مبقاش فيه الفكر ده، ومفيش حد بيفكر في أولاده بالطريقة دي، أكيد أنت عايزها تصنع بيت، تكون زوجة واقفة مع زوجها وتكون فاهمة تسنده إزاي، وتربي ولادها إزاي في المجتمع، حتى لو كان القانون بيقول إن تمام تتجوز من بعد 18 سنة، الحقيقة إني من وجهة نظري الشخصية شايفة إنه مينفعش زواج البنت حتى بعد 18 ولا 19 ولا 20 سنة، والبنت بتخلص الجامعة في سن الـ 21، وده مش معناه إنها كبرت.
