ياسمين صبري: مش في سبيل دور هتعب نفسي نفسيا.. طول ما بتشتري نفسك الدنيا هتشتريك
كشفت الفنانة ياسمين صبري أن سلاحها في الحياة هو الاستغناء، مشيرة إلى أنها ترى أن الحياة قصيرة ولا داعي أن نرهق أنفسنا نفسيًا من أجل شيء، وهو ما تفعله في حياتها، وحتى في مشوارها الفني.
وقالت ياسمين صبري، خلال جلستها الحوارية في مهرجان البحر الأحمر السينمائي الدولي: أسهل حاجة عندي الاستغناء، سلاح قوي جدًا في الحياة، الحياة مش مستاهلة ان الواحد يقطع نفسه أو يعيش نفسه في ضغط، الحياة صغيرة مهما طولت.
وأضافت ياسمين صبري: المفروض يعيش محترم نفسه وعنده راحة نفسية، مش في سبيل دور تتعب نفسك نفسيا ليه تتعامل مع ناس صعبة او شرسة أو لسانها حاد ليه متشكرين أوي اللي مكتوب لك هتشوفه سواء كده أو كده وطول ما انت بتشتري نفسك الدنيا هتشتريك أوي.
ياسمين صبري: الإنسان لازم يطور من نفسه زي الآيفون
وفي سياق آخر، كشفت ياسمين صبري أنها تعمل على تطوير ذاتها باستمرار، إذ قالت: بكتشف حاجات كتير وطول ما الإنسان عايش لازم يطور من نفسه زي الآيفون كل شوية في تحديث، الإنسان لازم يعمل كده في نفسه علشان يعرف يواكب كل حاجة، ولازم تعمل تحديث نفسيًا لأن ممكن حد نجاحه يبقى أكبر من نفسيته.
