مش عاوز أكون أب.. الإعلامي أحمد علاء الدين يكشف سبب عزوفه عن الزواج رغم بلوغه 44 عامًا
استضاف برنامج البيه والهانم، تقديم الإعلامية نورين شحاتة وممدوح الشناوي عبر قناة القاهرة والناس، نموذجا لسيدة ورجل مضربين عن الزواج، وهما الإعلامي أحمد علاء الدين والسيدة مريم منير، وذلك في حلقة اليوم التي ناقشا فيها ظاهرة العزوف أو الإضراب عن الزواج التي أصبحت منتشرة مؤخرًا.
وتحدث الإعلامي أحمد علاء الدين، مذيع في التلفزيون المصري وعمره 44 سنة، خلال استضافته في البرنامج عن سبب إضرابه عن الزواج، مشيرًا إلى أن السبب ليس صحيا ولكنه نفسي.
وقال أحمد علاء الدين: مفيش حد طبيعي من أيام المراهقة مش بيبص على بنت الجيران، الشخص السوي سواء ولد أو بنت، عاوز يتجوز ويرتبط ويعيش قصة الحب من البدايات، لحد ما يكبر وينضج ويعرف أن قصص الحب هتتحول لمسؤولية زواج مش مجرد أن في حياتي بنت أو لد، وكل ما ننضج أكبر ويكون عندنا تجارب أكتر هنوصل لقناعة أن الموضوع فاشل ومش مناسب لينا لكن في البداية ده ما كانش شعوي ولا شعور أي حد سوي.
أحمد علاء الدين: مش نفسي أكون أب وأنا لا إنجابي
وأشار أحمد علاء الدين، إلى أن كان يواجه طيلة الوقت تدخلا من أفراد عائلته ويعرضون عليه فتيات للزوج، قائلًا: كان بيتقال لي دايمًا عندي ليك عروسة وده مش منطقي الحمد لله يأسوا حاليًا ومش بيعرضوا عليا، وكان بيتقال لي اتجوز علشان تستقر على الرغم من أن شقتي ملكي وأنا موظف في جهة رسمية، ولكني مش نفسي أكون أب وأنا لا إنجابي.
وأضاف أحمد علا الدين: أنا حبيت في السابق، وبدأت أول قصة حب في ابتدائي، وحاليًا صعب التفكير في موضوع الزواج حتى لو غصبت على كده، لو اتجوزت دلوقتي هلحق أربي ابني امتى؟، وأنا أصلا شخص لا إنجابي ولكن صعب ألاقي زوجة تقبل انها ما تخلفش، خاصة أني عمري ما أقبل أتجوز سيدة مطلقة وعمري ما هكون زوج تاني، وأنا حر في اختياراتي، خاصة لأني من تجربتي الشخصية أمي وأبي مطلقين وكذلك أخويا فليه أعيد نفس التجربة؟
واستطرد: ارتبطت بزميلة في الوسط الإعلامي، واكتشفت أنها مخبية عليا أنها متجوزة ومطلقة لما قالوا لي عندها عمر عنده ست سنين ما كنتش مصدق.
