عمرو أديب: أنا مش من مدرسة الضمير ولا مدرسة بلاش نضر البلد أنا من مدرسة الحقيقة
قال الإعلامي عمرو أديب، إن توجهي معروف حول أزمة السكر والأسعار الأخيرة، موضحا: أنا مش من مدرسة الضمير ولا مدرسة بلاش نضر البلد أنا من مدرسة الحقيقة.
أزمة السكر وارتفاع الأسعار
وأضاف عمرو أديب خلال تقديم برنامج الحكاية المذاع على قناة أم بي سي مصر: أنا مش مع فكرة تقليل السكر في الشاي أو أن السكر مضر بالصحة، ولا مقولة انتوا شعب بتضروا بلدكم.. احنا عايزين حل للأزمة دي، مواصلا: طوابير السكر والسلع دي مشاهد كانت من 70 سنة في فيلم ثرثرة على النيل.
وأوضح أديب: لا تقدر توقف حد بيهرب سكر أو بيخزن سكر أو اللي يبيع السكر بـ 50 جنيه، لأنه مفيش شرطة سكر في أي بلد، أو تسعيرة جبرية في أي مكان.
وأردف قائلا: فشلت تماما في فهم موضوع ارتفاع الأسعار خلال الفترة الأخيرة، ولم أجد شماعات عن أسباب الارتفاع في الأسواق.
كما أوضح عمرو أديب خلال حديثه: أسعار السلع غير طبيعية، علب اللبن أرقامها غير طبيعية، والزيادة غير طبيعية.
وتابع أديب منتقدا الارتفاع الأخير للأسعار: لو فيه حد بيعمل حاجة من تحت لتحت للدولة دي مش هيبقى كده.. ده الحروب مأثرتش في الناس كده؟!
