أخصائية نفسية في البيه والهانم: الشخص الـ Sapiosexual مشاعره بتتحرك مع الإنسان الذكي
استضافت الإعلامية نورين شحاتة في برنامجها البيه والهانم الذي تقدمه مع الإعلامي ممدوح الشناوي عبر قناة القاهرة والناس، الأخصائية النفسية ماجدة غازي، والتي كشفت تجربتها في الانجذاب لـ الشخص الذكي أو فيما يعني Sapiosexual.
الشخص الـ Sapiosexual مشاعره بتتحرك مع الإنسان الذكي
وقالت ماجدة غازي خلال استضتافتها في البيه والهانم: كوني Sapiosexual مش قرار مني، بمعنى إن لو حد عنده موهبة مش بيختارها بيولد بيها فالإنسان Sapiosexual بيكون عنده انجذاب للإنسان الذكي أو اللي بيبادله تفكير معين، وأنا صغيرة كنت بحب فيثاغورس لأني بحب الرياضة وكنت بحب رموز أينشتاين، وكنت متخيلة إن دي الحاجات اللي ممكن تحرك مشاعري.
وأضافت في البيه والهانم مع نورين شحاتة: بدأت أسال عن الموضوع وأدخل جروبات وأتفاعل مع الناس اللي زيي علشان أفهم عن الموضوع وأعرف هل هو قرار، لأني مش بقدر أحس مشاعر ناحية حد غير لو ذكي، وبعدين لقيت الموضوع معقد أكتر من كده لأن في مجتمعنا مينفعش أبني علاقة مع حد لمجرد إنه وسيم أو لمجرد أنه زكي.
وتابعت: مينفغش نبني علاقتنا خاصة في المجتمع الشرقي بناء على الانجذاب ولكن ده مينمنعش إن يكون فيه انجذاب ناحية الشخص ده، لأن لو واحد عجبته ست ماشية في الشارع هل معناه إنه لازم يتجوزها ويكمل حياته معاها لكن لسه المضمون أخلاقي وفكري.
