محمود العسيلي: الحياة لازم تستمر برغم أحداث غزة.. وشيرين بتعافر عشان ترجع للقمة
تحدث الفنان محمود العسيلي، عن دعوات إلغاء الحفلات والأنشطة الفنية تضامنًا مع أحداث غزة، بجانب الحديث عن الفنانة شيرين عبد الوهاب، مؤكدًا أنها من أجمل الأصوات في الوطن العربي.
وقال محمود العيسلي، في تصريحات تلفزيونية، عن إلغاء الحفلات تضامنًا مع أحداث غزة: سخونة الأحداث في البداية كانت ممكن تلغي حفلات في الأول لمدة شهر واتنين ولكن بعد كدة مش هينفع تلغي وده أكل عيشنا وفي ناس مسئولة مننا.
وأضاف محمود العسيلي: الغناء والحفلات جزء من شغلنا وفيه بهجة واحتفال ولكن هو مثل أي شغل آخر، الحياة لازم تستمر وممكن تفكر تتبرع بجزء من حفلاتك لغزة أو الهلال الأحمر وده اللي هنعمله في حفلات شهر فبراير هنتبرع بجزء كبير لمواطني غزة، في الأول الوضع كان صعب وهو لسه صعب لكن الحياة لازم تستمر ولازم نشتغل والإنسان لازم يساعد بشكل إيجابي مش شعارات ولازم يكون في حاجة مفيدة على الأرض لأن الناس اللي بتهاجم بتروح شغلها، وفي ناس مسئولين معهم عائلات، والمساعدة تكون بحاجة إيجابية، مؤكدا أن السوشيال ميديا كارثة من كوارث الزمن وممكن تذبح أي شخصية.
محمود العسيلي: شيرين بتعافر عشان ترجع للقمة
وأكد الفنان محمود العسيلي، أن الفنانة شيرين عبد الوهاب واحدة من أعظم الأصوات في تاريخ الوطن العربي، قائلًا: هي صوت من أعظم الأصوات في تاريخ الوطن العربي وملهاش زي كإمكانيات صوتية، وربنا يوفقها في اختيار الكلام الصح وحفلاتها في جدة كانت مفاجئة.
وأضاف محمود العسيلي: كل إنسان بيمر بتجارب كتير في حياته وفي ناس بتبقى أهم حاجة بتعافر وشيرين بتعافر وبترجع ورجعت.
كما علق الفنان محمود العسيلي، على أزمة الفنان حمزة نمرة مع نقابة الموسيقيين، قائلًا: أنا ضد شطب أي حد ومش بحب المنع ولا الشطب وأنا مع حرية الإبداع والفن والفنان بيبقى عنده قضايا يعبر عنها واحترم أي فنان يقدم أي حاجة مقتنع بها، وياريت اعمل دويتو مع حمزة نمرة وهو فنان كبير جدًا.
