محمود الليثي: أنا درويش وبحس بحاجات قبل ما تحصل.. وقُولت على مكان هيولع وولع فعلًا | فيديو
تحدث المطرب محمود الليثي، عن تفاصيل حياته الشخصية قائلًا: أنا درويش وبداخلي علاقة خاصة مع ربنا، وإحساسي دائمًا يسيطر عليّ بما يحدث، ولما بشوف حد أقول له أنت هتبقى حلو، ويجي واحد تاني يقول لي قولي زي ما قلت ليه، لكن مش بعرف لأنها ما جتش على لساني فمش هقولها هي من عند ربنا.
وأضاف محمود الليثي، خلال تكريمه بالقاهرة 24: مرة كنت في مكان قلت لمدير أعمالي خلي بالك ما تودونيش المكان ده دلوقتي علشان هيولع وعليا النعمة ولع.
من جانبه حكى عمر كمال أيضًا موقفًا حدث له قائلًا: محمود الليثي كان عنده حفله بره مصر وراح عند الطيارة ورجع ما سافرش، وقال عاوز أروح مكان وأعيط أنا صوفي.
وحل الليثي وعمر كمال ضيفين على موقع القاهرة 24، وتحدثا عن أغنيتهما الجديدة أخوك يشرف بجد، إلى جانب حديثهما عن بدايتهما والصعوبات التي تعرض لها كل منهما.
وأكد الليثي وعمر كمال أنهما تعرضا لضغوطات كبيرة في بداية مشوارهما الفني، لكن هذا لم يدفعهما إلى ترك المجال الفني لحبهما له وإثبات نفسهما من خلاله، إذ قال الليثي: المفروض اللي بيشتغل في الفن يكون ماشي فيه زي القطر، متخفش من حد غير ربنا ومتبصش يمين ولا شمال، ولا تخاف من فوات الرزق لأن ربنا كاتب لكل واحد رزقه من يوم ما تولدنا لحد ما نموت.
