المتهم بقتل شاب دافع عن والدته بعين شمس: مش فاكر ضربته كام مرة بالمطواه| تحقيقات
يواصل القاهرة 24 نشر التحقيقات في القضية رقم 15502 لسنة 2023 والمعروفة إعلامية بـ جريمة عين شمس، المتهم فيها مصطفى. أ بإنهاء حياة المجني عليه صابر علاء صابر، وسط الشارع؛ لخلافات سابقة بينهما بسبب دفاع المجني عليه عن والدته.
اقوال المتهم في جريمة عين شمس
واستكمل المتهم أقواله أمام جهات التحقيق: قعدت أضربه بضهر المطواة على دماغه علشان أخوفه، راح عضدني من صدري، فأنا فضلت أضربه في بطنه علشان يسيبني ورحت ماسك بوقه فراح عاضضني في صباعي، فالناس حجزتنا ولقيت دم من عند بطنه روحت جريت وركبت توكتوك وطلعت على القسم.
وأضاف المتهم بالتحقيقات أنه توجه إلى قسم الشرطة بعد إنهائه حياته خوفا من أهله ومنعا لحدوث مشكلة معهم، معقبا: أنا لما مسكته في الأول كنت بضربه بضهر المطواة في دماغه، فراح عاضضني في صدري فأنا فضلت أغزه في صدره علشان يسيبني.
اعترافات المتهم بجريمة عين شمس
وبسؤال جهات التحقيق له عن حالة الضوء والرؤية بالمكان أقر قائلا: كانت واضحة علشان كنا الصبح وكان في ناس ماشية في الشارع وطعنته في بطنه كتير مش فاكر كام طعنة.
وتابع المتهم بالتحقيقات: معرفش بس أنا كنت ماسك دماغه تحت باطي الشمال وهو راح عاضضني في صدري فأنا فضلت أغزه بالمطواة علشان يسيبني ومفيش مسافة بيني وبينه هو كان بيعضنى في صدري وأنا ماسكه تحت باطي، وبضربه بالمطواة ولما ضربته بالمطواة في بطنه كنت ماسك رأسه تحت باطي، وهو كان مايل وبيعضى في صدري وكنت ماسكها بإيدى اليمين وضربته بس مكانش قصدي أموته.
