الهزار قلب جد.. والد ضحية عين شمس يكشف بالتحقيقات تفاصيل مقتل نجله

يواصل القاهرة 24 نشر التحقيقات في القضية رقم 15502 لسنة 2023 والمعروفة إعلامية بـ جريمة عين شمس، المتهم فيها مصطفى. أ بإنهاء حياة المجني عليه صابر علاء صابر، وسط الشارع؛ لخلافات سابقة بينهما بسبب دفاع المجني عليه عن والدته. 

أقوال والد المجني عليه في عين شمس أمام جهات التحقيق

ووردت أقوال والد المجني عليه أمام جهات التحقيق كالآتي:

س: ما هي صلتك بالمجني عليه صابر علاء صابر  تحديدا؟

ج: انا أبوه

س: هل أبصرت واقعة التعدي على نجلك؟

ج: لا أنا كنت في البيت والناس كلمتني قالتلى الحق ابنك واقع في الشارع، فنزلت روحت لقيته مرمى في الشارع وقاطع النفس، والإسعاف جت وقالتلنا إنه مات، وعرفت من الناس إن مصطفى بتاع العيش هو اللى ضربه بالمطواة.

س: ما معلوماتك بشأن الواقعة محل التحقيقات؟

ج: اللي حصل إن كان فيه مشكلة حصلت بين ابني ومصطفى بتاع العيش من شهر أبريل اللي فات وخلصنا المشكلة. واتصالحنا، والنهارده عرفت إن مصطفى ضرب ابني بالمطواة موّته، بس معرفش هو عمل كده ليه.

مرتكب جريمة عين شمس في التحقيقات: قتلته وندمان |خاص

اعترافات المتهم في جريمة عين شمس: ضربته بالقلم وكان قصدي أعوره بس مش أموته |خاص 

س: متى وأين حدث ذلك؟

ج: المشكلة كانت في شهر 4 اللي فات والنهارده حوالي الساعة 10 صباحا الناس كلمتني وقالتلي إن ابني مضروب وواقع في الشارع بعين شمس.

س: ما هي صلتك بالمتهم مصطفى. ا؟

ج: هو بيقف على فرشه عيش في الشارع.

س: هل من ثمة خلافات سابقة بين المتهم مصطفى أحمد عبد الستار وبين نجلك المتوفى إلى رحمة مولاه؟

ج: مفيش غير المشكلة اللي كانت حصلت بينهم في شهر 4 اللي فات.

س: وما هي طبيعتها؟

ج: هو ابني صابر كان بيهزر مع ابن مصطفى فراح مصطفى مسكه وضربه بالقلم وهو ماشي مع أمه وشتم مراتي، وبعد كده اتصالحنا وخلصت المشكلة.