حنين عليا ولو خاني مش هديله فرصة.. إجابات مفاجئة من ليلة عدنان وزوجها عمرو أسامة |فيديو
أجابت الفنانة ليلة عدنان الشهيرة بالطفلة سو في مسلسل الكبير أوي، وزوجها عمرو أسامة على مجموعة من الأسئلة السريعة خلال لقائهما في موقع القاهرة 24، بعد ثلاثة أشهر من زواجهما.
وكشف عمرو أسامة أكثر شيء يسعد زوجته ليلة عدنان، قائلًا: لو عاوز أبسطها بأكلها، وليلة بتحب السي فود وفراي تشيكن جدًا، لترد ليلة مازحة: غلبانة أوي وأكلة تفرحني.
وكشفت ليلة عدنان أنها تغير على زوجها أكثر منه قائلة: أنا بغير عليه أكتر علشان هو بيستهبل وممكن حد يكلمه بطريقة معينة وهو ييرد عادي علشان ما يكسفش اللي قصاده، لكن أنا مش بحب كده ولو حد كلمني بطريقة مش عاجباني بيزعل من ردي، وهو واثق فيا في الحتة دي علشان كده مش بيغير عليا بنفس الدرجة.
وكشف عمرو أسامة إمكانية مساعدته لها في أعمال المنزل قائلًا: أنا بشتغل 16 ساعة ومعنديش رفاهية أني أساعد بشكل كبير في البيت، لأني بروح البيت ساعة أو اتنين.
ليلة عدنان: عمرو حنين عليا أوي
وكشف كل منهما أكثر موقف شعرا من خلاله أن الطرف الثاني يحبه حيث قالت ليلة: عمرو حنين أوي ولما يحب حد بيحبه بجد، وأكتر موقف ليا من قريب لما بابا كان تعبان لقيت أنه أول حد موجود وكنت بشوفه كبير في نظري.
عمرو أسامة: لو تعبت بشوف في عينها القلق عليا
من ناحيته قال عمرو: دايما بحس أنها بتحبني ولو تعبت بشوف في عينها القلق عليا، ولما تكلمني مش بتسألني أنت فين، ولكن أول سؤال بتقوله كلت ولا لسه وبحس كتير بحبها ليا بأفعلها لأنها مش من النوع اللي تبين مشاعرها.
وعن أكثر شيء يزعج كل منهما في الآخر، قالت ليلة: أكتر حاجة بتضايقني منه الشيشة لأنه بيشربها كتير وبيموت نفسه، والعند لأنه عنيد جدًا حتى لو غلطان
وفي حال تعرض ليلة للخيانة وإمكانية إعطائها فرصة أخرى له قالت: لا خلاص مش هدي له فرصة تانية، علشان هو كبير وفاهم وأنا ما قصرتش معاه.
