أبويا حلم إن أمي بتديه زجاجتين وبتقوله يملاهم زيت.. مفسرة أحلام: فيه ستات بابا هينكد عليهم
أوضحت كريمة سلام، وباحثة اجتماعية، تفسير حلم رأته إحدى السيدات، تقول فيه: بابا حلم إن ماما بتعطيه زجاجتين بلاستيك فاضيين وبتقول له يملاهم زيت ويديهم لأختي ولسه آنسة، وماما متوفية في الحقيقة.
مفسرة أحلام: في ستات بابا هينكد عليهم
وقالت مفسرة الأحلام في تفسيرها: الزجاجتين البلاستيك هم اتنين ستات فاضيين يعني مالهمش لازمة ومش معاهم حاجة، وكان بييجي من وراهم نكد وبينشروا الكلام، وقالت لبابا يملاهم زيت يعني بابا هينكد عليهم.
وجاء رد صاحبة الحلم على التفسير: كلام حضرتك مظبوط دول اتنين ستات من قرايبنا كان الأول فعلا بينشروا كلام يضايق ويمسنا لكن حصل موقف من يومين بابا نكد عليهم فيه.
فيما فسرت كريمة سلام، مفسرة الأحلام والباحثة الاجتماعية، حلم إحدى المتابعات والذي جاءت تفاصيله: شفت نفسي في بيت وشايفة صاحب زوجي بيعمل شاي في المطبخ وصاحب زوجي جه عندي وزوجي ورا ظهر صاحبه، واختفى صاحب زوجي، وزوجي كان جسمه ضعيف ومش طويل، جاء يطلب مني أعمل له فنجان قهوة وإلا هيرمي عليا يمين الطلاق بس بيتكلم عادي وأنا واقفة وفي نيتي أعمل له عشان أتجنب مشاكله.
وقالت مفسرة الأحلام في تفسيرها خلال لقاء تلفزيوني: إنتي في بيت، يعني أمن وأمان، وصاحب زوجك اللي بيعمل شاي، مشكلة على ماديات عاملالك اكتئاب وغيظ خاصة بمصروفك أو شغلك، وصاحب زوجك ده مشكله وانتهت؛ لأنه اختفى، وعن إنك لقيتي زوجك جسمه ضعيف، هو مفيهوش حاجة، وطلب تعملي فنجان قهوة، معناه إنه راجل كويس، ويمين الطلاق، حل للمشكلة، وعن جزء إنه بيتكلم عادي، معناه إن أنتي منشفة دماغك ومش عايزة تعملي حاجة.
