شهيرة في عيد ميلادها: معتزلتش الفن وأمنيتي مصر تكون بخير
كشفت الفنانة شهيرة، أمنيتها في عيد ميلادها، الذي يحل اليوم الخميس الموافق 1 فبراير، مشيرة إلي أنها تنتظر العمل المناسب للعودة إلى الجمهور من جديد.
أمنية الفنانة شهيرة في عيد ميلادها
وتواصل موقع الـ القاهرة 24 مع الفنانة شهيرة في عيد ميلادها، لتكشف لنا عن طقوسها وأمنيتها في تلك المناسبة، إذا قالت: أمنيتي أن مصر تكون بخيروفي أمان دائمًا، وربنا يحمي أبناء غزة، لأنهم بيعشوا ماسأة بمعنى الكلمة، وإحنا مش في إيدينا نعمل حاجة غير الدعاء ليهم، ومابقتش بقدر أفتح التليفزيون وربنا يحميهم ويجعل ليهم مخرج من أزمتهم.
وحول طقوسها بعيد ميلادها، أوضحت شهيرة: ماليش طقوس معينة وبتجمع مع الأسرة والأصدقاء فقط وبطلب من ربنا الستر والصحة ليا ولأولادي.
مش لاقيه نص حلو: الفنانة شهيرة زوجة الراحل محمود ياسين تنفي اعتزالها الفن
وتحدثت شهيرة عن شائعات اعتزالها التمثيل، قالت: بيطلع عليا شائعات إني اعتزلت وببقى زي الجمهور مش عارفه حاجة وأنا معتزلتش، ومستنية النص الحلو اللي يخليني أرجع بيه للجمهور، ويارب ألاقي أعمال ليها قيمة تحترم سني.
وأضافت شهيرة: لو عمرو ابني يعملي نص حلو هتشجع بس هو بيقولي إن الشغل بقى متعب مش زي زمان 8 ساعات تصوير فقط، وأنا بقوله ملكش دعوة اعملى نص.
وأضافت شهيرة: والحمد لله الناس بتتعامل معايا كأني مش غايبة، ولما بخرج بلاقي الناس بتيجي تصور معايا وخصوصًا الجيل الجديد، وببقى عاوزة أقولهم انتوا تعرفوني منين؟.
