مصطفى كامل: ليه اتحدف بالطوب علشان بشوف شغلي.. ما كفاية بيقولوا عليا صوتي وحش
أعرب الفنان مصطفى كامل، عن استيائه الشديد بسبب الانتقادات والهجوم الذي تعرض له، منذ توليه منصب نقيب المهن الموسيقية، وهو الأمر الذي جعله يلمح بالاستقالة من منصبه.
وقال مصطفى كامل خلال وجوده بمنزله بحضور أعضاء النقابة ومنهم الفنانة نادية مصطفى وحلمي عبد الباقي: أنا بتحدف بالطوب في كلامي وأنا مؤلف، وفي لحني وأنا ملحن، وفي غنايا وأنا في حفلة، الناس مالهاش دعوى زوري كان تعبان وتقولك صوته زي الزفت، كفاية طوب عليا في شقايا، أنا ليه اتحدف بالطوب في النقابة؟ أنا سيبت بيتي وعيالي وكبرت في السن.
وتابع: ولما نيجي نحمي البلد من أي مصنف يقولك حرية تعبير، ولما نسيب حرية التعبير يقولك أنت اللي سيبت، عمالين نترزع ونتخبط وكل أهدفنا بنعلنها، وأنا بعلنها ولا أتخن شنب فيكي يا مصر يزايد على حب مصطفى كامل لمصر، ولا مصر جابت حد شايل كفنه على إيده زي مصطفى كامل.
وأكمل: إحنا كفانيين اتعودنا على اللي بيهدم، ولكن بتكلم على مؤسسة خدمة زي نقابة المهن الموسيقية اللي نهب فيها متسجنش، اللي سرقها متسجنش، فاللي رعاها ورعى ربنا يتشتم تحت مرئى ومسمع من الأجهزة كلها؟ مين يقبل بكده وليه؟ لو قبلت بكده أبقى راجل وضيع، لازم نأخذ إجراءات فمن يحاولون هدمها، دول بيهدموا 100 ألف أسرة.
مصطفى كامل
وحرص أعضاء نقابة المهن الموسيقية، على التجمع والحضور بمنزل الفنان مصطفى كامل، لإقناعه بالعدول عن قرار استقالته من منصبه بنقابة المهن الموسيقية.
