المؤلف محمد رجاء: محستش بصعوبة في كتابة فيلم رحلة 404 وخد مني وقت كبير
تحدث المؤلف محمد رجاء عن فيلم رحلة 404، بطولة الفنانة منى زكي، والذي يعرض حاليا في دور عرض السينمات.
وقال محمد رجاء خلال لقائه مع الإعلامي عمرو أديب ببرنامج الحكاية: محستش بصعوبة في كتابة الفيلم لأن الموضوع بسيط جدا، هو رحلة، إحنا بنحكي مين الشخصية دي وجاية منين وبتعمل إيه.
وتابع رجاء: والفيلم كتابتة خدت مني وقت كبير لأني كنت كل شوية أسيب الفيلم وأرجعله تاني، وأكتب تاني، وأنساه وأرجعله تاني، بس في الآخر الفيلم طلع بالشكل ده مش بس لأن الكتابة كويسة لا عشان كلنا كنا مصدقين، منى وأنا وكل الفنانين والأستاذ هاني المخرج.
منى زكي تتحدث عن فيلم رحلة 404
كما تحدث منى زكي عن فيلم رحلة 404 في لقائها مع عمرو أديب، وقالت: هاني خليفة جابلي الورق في 2011 وكل ما نقرر نعمله المنتجين كانوا بيقولوا ده مش فيلم جماهيري، ومش هيعجب الناس، فنعمل مشاريع تانية ونرجع تاني ندور على منتجين، وتقريبا لفينا على كل المنتجين، والرد كان إنه مش هيعجب الناس، وفي الآخر محمد حفظي هو اللي تحمس للفيلم عشان يطلع.
هاني خليفة يتحدث عن فيلم رحلة 404
وكذلك تحدث المخرج هاني خليفة عنه، وقال: أنا مستغرب من نجاح رحلة 404 لأنه فيلم تقيل وعنيف، ومش الفيلم اللي تطلع منه مبسوط، بعكس سهر الليالي كنا متوقعين نجاحه، والفيلم بيحرك حاجة بين كل واحد وبين نفسه.
