إيمي سمير غانم من مهرجان السينما الإفريقية بالأقصر: بقالي كتير ماتكرمتش.. وبهدي التكريم لـ نفسي
أعربت الفنانة إيمي سمير غانم، عن سعادتها بتكريمها في الدورة الـ 13 من مهرجان الأقصر للسينما الإفريقية.
وقالت إيمي سمير غانم، في لقائها مع القاهرة 24، على هامش حضورها افتتاح مهرجان الأقصر للسينما الإفريقية: أنا مبسوطة جدًا إني بتكرم في بلدي، وحاسة أن في حاجة جديدة عليا، وبقالي كتير متكرمتش وكمان البلد كلها حضارة وتاريخ، والأقصر جميلة وأهلها طيبين، وأنا نفسي أقعد هنا شوية، ويارب أجي كتير.
وعن موعد عودتها للساحة الفنية من جديد، فعلقت إيمي سمير غانم، قائلة: إحنا ملحقناش رمضان ده، وإن شاء الله نلحق رمضان اللي جاي.
إيمي سمير غانم: بهدي تكريمي في مهرجان الأقصر للسينما الإفريقية لـ نفسي
كما أعربت إيمي سمير غانم، عن امتانها الكبير، حيث قالت في كلمتها بعد تكريمها: شكرًا جدًا على التكريم الحلو ده، أنا اتكسفت أوي لما قالوا امتداد ماري منيب، حسيت إني أصغر من أن يتقال اسمي مع الناس العظيمة دي، وطبعًا أنا أصغر من إني أتكرم وسط العظماء اللي حواليا من مخرجين ومنتجين وممثلين.
وأضافت إيمي سمير غانم، ممازحة الحضور: طبعًا في العادي بيهدوا التكريم لحد أنا مش ههديه لحد، أنا ههديه لنفسي بقالي كتير ماخدتش حاجة من الحاجات الحلوة دي.
محمود حميدة: وجود إيمي سمير غانم وحسن الرداد يدعم مهرجان الأقصر للسينما الإفريقية
وسبق وأن تحدث الفنان محمود حميدة، الرئيس الشرفي لمهرجان الأقصر للسينما الإفريقية، عن تكريم الفنان حسن الرداد، وزوجته الفنانة إيمي سمير غانم، حيث قال في لقائه مع القاهرة 24: أنا مبتدخلش في الحكاية دي، اللي بتحدد إدارة المهرجان وطبعًا عرضوا عليا، وأنا برحب دايمًا ولابد من الاحتفال بهؤلاء النجوم ووجودهم بيدعم المهرجان والسينما بعمل حقيقي.
